କଟକ : 14 ଦଫା ଦାବି ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସାମ୍ନାରେ ଗର୍ଜିଲେ ଅଙ୍ଗନବାଡ଼ି କର୍ମୀ । ଦୀର୍ଘ ବର୍ଷ ଧରି ଠିକା କାମ କରି କରି ନିଜର ପରିବାର ପୋଷଣ ଦିଗରେ ଅସମର୍ଥ ହେବାରୁ ଆଜି ଆନ୍ଦୋଳନ ପନ୍ଥା ହାତକୁ ନେଇଛନ୍ତି ଅଲ୍-ଓଡ଼ିଶା ମହିଳା ଅଙ୍ଗନବାଡ଼ି କର୍ମଚାରୀ ସଂଘ । ରାଜ୍ୟ ସରକାର ସବୁ ଦିଗକୁ ସ୍ବଛଳ କରୁଥିବା ବେଳେ ଅଙ୍ଗନବାଡ଼ି କର୍ମୀଙ୍କ ପାଇଁ ଏପରି ଆଚରଣ କଣ ପାଇଁ ବୋଲି ପ୍ରଶ୍ନ କରିଛନ୍ତି ଆନ୍ଦୋଳନରତ କର୍ମଚାରୀ ।
ସ୍ଥାୟୀ ନିଯୁକ୍ତି, ସରକାରୀ ମାନ୍ୟତା ନମିଳିବା ପର୍ଯ୍ୟନ୍ତ ମାସିକ 21 ହଜାର ଲେଖାଏଁ ପାରିଶ୍ରମିକ, କାର୍ଯ୍ୟରତ ସମୟରେ ମୃତ୍ୟୁ ହେଲେ 5 ଲକ୍ଷ ଟଙ୍କା ଓ ପରିବାରରୁ ଜଣେ ଅଙ୍ଗନବାଡ଼ିରେ ନିଯୁକ୍ତି ପ୍ରଦାନ ଏହାସହ ବାର୍ଷିକ ବେତନ ବୃଦ୍ଧି କରିବା ପାଇଁ ଦାବି କରିଛନ୍ତି ମହିଳା ଅଙ୍ଗନବାଡ଼ି କର୍ମୀ । ତେବେ ଏହି ଦାବି ସମୂହ ଯଦି ପୂରଣ ନହୁଏ, ରାଜ୍ୟ ବ୍ୟାପୀ ଏକ ବଡ଼ ଜନ ଆନ୍ଦୋଳନ ଡାକରା ହେବ । ଏହାସହ ପାର୍ଲିଆମେଣ୍ଟ ସାମ୍ନାରେ ସଙ୍ଘ ଧାରଣା ଦେବ ବୋଲି ଚେତାବନୀ ଦେଇଛନ୍ତି ଆନ୍ଦୋଳନକାରୀ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ