ନିଆଳି: ପୁଣି ସାମ୍ନାକୁ ଆସିଲା ଶିଶୁ ନିଖୋଜ ଘଟଣା । ରାଜଧାନୀ ଉପକଣ୍ଠ ମୁଣ୍ତହଣା ପାଟଣା ଗ୍ରାମର ଅଜୟ ମୁଦୁଲିଙ୍କ ତିନି ବର୍ଷର ଝିଅ ରଶ୍ମିତା ନିଖୋଜ ଥିବା ଘଟଣା ଏବେ ସାମ୍ନାକୁ ଆସିଛି । ଗତକାଲି ଅପରାହ୍ନ ସମୟରେ ଖେଳୁଥିବା ସମୟରେ ହଠାତ ଆଉ ପରିବାର ଲୋକେ ଝିଅକୁ ପାଇନଥିଲେ । ଏନେଇ ଖୋଜା ଖୋଜି ପରେ ମଧ୍ୟ ରଶ୍ମିତାଙ୍କୁ ନପାଇ ଶେଷରେ ନିରାଶ ହୋଇଥିଲେ ପରିବାର ଲୋକେ ଓ ପଡୋଶୀ ।
ଏ ଘଟଣା ଆଜି ସାମ୍ନାକୁ ଆସିଥିବା ବେଳେ ଅଜୟଙ୍କ ଘର ସମ୍ମୁଖରେ ଲୋକଙ୍କ ଭିଡ ଜମିବା ସହ ବାଲିପାଟଣା ଥାନା ଓ ବନମାଳିପୁର ପୋଲିସର ସହାୟତା ଲୋଡିଛନ୍ତି ପରିବାର ଲୋକେ । ତେବେ ଅନେକ ଖୋଜା ଖୋଜି ପରେ ମଧ୍ୟ ରଶ୍ମିତାଙ୍କ ପତ୍ତା ମିଳିପାରିନାହିଁ । ତେବେ ଏଠି ପ୍ରଶ୍ନ ଉଠୁଛି ୩ବର୍ଷର ଶିଶୁ କନ୍ୟାଟି ନିଖୋଜ ହେଲା କେମିତି ? ନା ତାଙ୍କୁ କିଏ ଅପହରଣ କରିନେଇଛି । ଯଦି ଅପହରଣ କରାଯାଇଛି ରଶ୍ମିତା ଏବେ ଜୀବିତ ଅଛନ୍ତିତ ? ନା ଏହା ପଛରେ ରହିଛି ଅନ୍ୟ କିଛି କାରଣ । ତେବେ ଏ ଘଟଣା ନେଇ ପୋଲିସ ତଦନ୍ତ ଆରମ୍ଭ କରିଛି ।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ , ଇଟିଭି ଭାରତ
