କଟକରେ ୬୧ତମ ନାଲକୋ କପ ସିନିୟର ରାଜ୍ୟ ବାସ୍କେଟବଲ ଚମ୍ପିୟାନସିପ ଆରମ୍ଭ

ସିଲଭରସିଟି ବାରବାଟି ଷ୍ଟାଡିୟମ ସ୍ଥିତ ବାସ୍କେଟବଲ କମ୍ପ୍ଲେକ୍ସ ରେ ଆରମ୍ଭ ହୋଇଛି ୬୧ତମ ନାଲକୋ କପ ସିନିୟର ରାଜ୍ୟ ବାସ୍କେଟବଲ ଚମ୍ପିୟାନସିପ । ଯେଉଁ ଖେଳାଳି ଭଲ ପ୍ରଦର୍ଶନ କରିବ ସେ ଓଡିଶା ଟିମରେ ସ୍ଥାନ ପାଇବା ନେଇ ଜଣାପଡିଛି ।

କଟକ: ସିଲଭରସିଟି ଏବେ ସାଜିଛି ସ୍ପୋର୍ଟସ ସିଟି । ସବୁ ପ୍ରକାରର କ୍ରୀଡା ଏବେ କଟକରେ ଦୃଶ୍ୟମାନ ହେଉଛି । ବିଶେଷକରି ବାସ୍କେଟବଲ ପ୍ରତିଯୋଗିତା । ବୁଧବାର ବାରବାଟି ଷ୍ଟାଡିୟମ ସ୍ଥିତ ବାସ୍କେଟବଲ କମ୍ପ୍ଲେକ୍ସ ରେ ଆରମ୍ଭ ହୋଇଛି ୬୧ତମ ନାଲକୋ କପ ସିନିୟର ରାଜ୍ୟ ବାସ୍କେଟବଲ ଚମ୍ପିୟାନସିପ । ଏଥିରେ 31ଟି ପୁରୁଷ ଦଳ ଓ 16ଟି ମହିଳା ଦଳ ଭାଗ ନେଇଛନ୍ତି । ଏହି ପ୍ରତିଯୋଗିତା ବୁଧବାରଠୁ ଆରମ୍ଭ ହୋଇ 30 ତାରିଖ ପର୍ଯ୍ୟନ୍ତ ଚାଲିବ ।

ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ମେଗା ଇଭେଣ୍ଟରେ ଯେଉଁ ଖେଳାଳି ଭଲ ପଦର୍ଶନ କରିବ ସେ ଓଡିଶା ଟିମରେ ସ୍ଥାନ ପାଇବା ସହ ଆସନ୍ତା 21 ତାରିଖରେ ପଞ୍ଜାବର ଲୁଧିଆନାରେ ହେବାକୁ ଥିବା 70ତମ ଜାତୀୟ ସିନିୟର ବାସ୍କେଟବଲ ପ୍ରତିଯୋଗିତାରେ ନିଜର ଖେଳ ପ୍ରଦର୍ଶନ କରିପାରିବେ ।

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ