କଟକ: ଟାଙ୍ଗୀ ଗୋବିନ୍ଦପୁର ଜାତୀୟ ରାଜପଥରେ ସଡକ ଦୁର୍ଘଟଣା । ଅଜଣା ଗାଡି ଧକ୍କାରେ 2 ସଂକୀର୍ତ୍ତନ ଯାତ୍ରୀଙ୍କ ମୃତ୍ୟୁ ଘଟିଛି । ମୃତକ ହେଲେ ଯାଜପୁର ପାଣିକୋଇଲି ଥାନା ନରପଦା ଗାଁର ବରଜୁ ସାମଲ ଓ ଚୈତନ୍ୟ ମଲ୍ଲିକ ।
ସୂଚନାନୁସାରେ, ଯାଜପୁର ପାଣିକୋଇଲି ଅଞ୍ଚଳର ୨୦୦ ଜଣ ସଂକୀର୍ତ୍ତନ ଯାତ୍ରୀ ରବିବାର ପଦଯାତ୍ରା କରି ପୁରୀ ଅଭିମୁଖେ ଯାଉଥିଲେ । ଏହି ସମୟରେ ଏକ ଅଜଣା ଗାଡି ସେମାନଙ୍କୁ ପଛପଟୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ 2 ଜଣ ଗୁରୁତର ହୋଇଥିଲେ । ଚିକିତ୍ସା ପାଇଁ ସେମାନଙ୍କୁ କଟକ ବଡ ମେଡିକାଲ ଆଣିବା ପରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
