କଟକ: ଜିରୋ ନାଇଟ ସେଲିବ୍ରେସନକୁ ରୋକିବା ପାଇଁ ସାରା ରାଜ୍ୟରେ 140 ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି । ରାଜ୍ୟ ସରକାର ଜିରୋ ନାଇଟକୁ ସମ୍ପୂର୍ଣ୍ଣ ନିଷିଦ୍ଧ କରିବା ପରେ ପୋଲିସ ଡିଜି ନେଇଛନ୍ତି ଏହି ଦୃଢ଼ କାର୍ଯ୍ୟାନୁଷ୍ଠାନ ।
ସାରା ରାଜ୍ୟରେ ଜିରୋ ନାଇଟକୁ ନା । କୌଣସି ସ୍ଥାନରେ କୌଣସି ମତେ ଜିରୋ ନାଇଟ ସେଲିବ୍ରେସନ ଯେମିତି ନହୁଏ ସେଥିପାଇଁ ସଜାଗ ରହିଛି ପୋଲିସ ବିଭାଗ । ଏନେଇ କଟକ ଭୁବନେଶ୍ୱରରେ 40 ପ୍ଲାଟୁନ ଫୋର୍ସ ମୁତୟନ ହୋଇଥିଲାବେଳେ ପୁରୀ ପାଇଁ 23 ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି । ସେହିପରି ଅନ୍ୟ ସମସ୍ତ ଜିଲ୍ଲାରେ ମଧ୍ୟ ପୋଲିସ ମୁତୟନ କରାଯାଇଥିବା ପୋଲିସ ଡିଜି ଅଭୟ ସୂଚନା ଦେଇଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
