କଟକ: ଜିଲ୍ଲା ଆଠଗଡ। ରାଜ୍ୟ ବିଧାନସଭାର 89 ନିର୍ବାଚନମଣ୍ଡଳୀ । ବିଜେଡିର ଗଡ ଭାବରେ ପରିଚିତ ଆସନ । ଏହି ଆସନରୁ 6 ଥର ନିର୍ବାଚନ ହୋଇଛନ୍ତି ବର୍ତ୍ତମାନର ବିଧାୟକ ରଣେନ୍ଦ୍ର ପ୍ରତାପ ସ୍ବାଇଁ । ଏଥର ବି ବିଜେଡି ଟିକେଟରେ ଲଢୁଛନ୍ତି ରଣେନ୍ଦ୍ର ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
1990ରେ ପ୍ରଥମ ଥର ପାଇଁ ଜନତା ଦଳ ଟିକେଟରୁ ବିଜୟୀ ହୋଇଥିଲେ ରଣେନ୍ଦ୍ର ପ୍ରତାପ ସ୍ବାଇଁ । ପରେ ବିଜୟ ପରେ ବିଜୟ । 2009ରେ ବିଜେଡି ଟିକେଟରୁ ବାଦ ପଡିଥିଲେ ସେ । ହେଲେ 2012 ଉପନିର୍ବାଚନରେ ପୁଣି କମବ୍ୟାକ କରିଥିଲେ ଏହି ଭେଟେରାନ ନେତା ।
ରଣେନ୍ଦ୍ର ପ୍ରତାପ ସ୍ବାଇଁ ୱରଫ ରାଜା ଭାଇ। ଆଠଗଡର ଲୋକପ୍ରିୟ ନେତା। ଏଥର ବି ଶିକ୍ଷା ଏବଂ ସ୍ବାସ୍ଥ୍ୟ ଉପରେ ପ୍ରାଥମିକତା କଥା କହିଛନ୍ତି ରଣେନ୍ଦ୍ର । ଟିକାକରଣର ସଫଳ ରୂପାୟନ ଉପରେ ସେ ଗୁରୁତ୍ବ ଦେଇଛନ୍ତି । ମଡେଲ ସ୍କୁଲ କଥା କହିଛନ୍ତି । ଲୋକଙ୍କ ସେବା କରିବା ତାଙ୍କ ଏକମାତ୍ର କର୍ତ୍ତବ୍ୟ ବୋଲି କହିଛନ୍ତି ଶ୍ରୀଯୁକ୍ତ ସ୍ବାଇଁ ।
କଟକରୁ ନାରାୟଣ ସାହୁ, ଇଟିଭି ଭାରତ
