ଭୁବନେଶ୍ବର: ଦୀର୍ଘ ତିନି ଘଣ୍ଟା ପରେ ଉଦ୍ଧାର ପାଇଲେ ବାଣୀବିହାର ଲାଇବ୍ରେରୀ ଛାତରେ ଚଢିଥିବା ଯୁବକ । ଅଗ୍ନିଶମ ବିଭାଗର ପ୍ରୟାସରେ ବିପଦପୂର୍ଣ୍ଣ ସ୍ଥାନରୁ ଯୁବକଙ୍କୁ ଉଦ୍ଧାର କରାଯାଇଛି । ସମ୍ପୃକ୍ତ ଯୁବକ ଜଣଙ୍କ କେନ୍ଦ୍ରାପଡା ପଟ୍ଟାମୁଣ୍ଡାଇ ଅଞ୍ଚଳର ସୁବୋଧ ବାରିକ ବୋଲି ଜଣାପଡିଛି ।
ବାଣୀବିହାର ପରିଜା ଲାଇବ୍ରେରୀ ଉପରେ ଥିବା ଯୁବକ ଉଦ୍ଧାର
ତେବେ ଏହି ଉଦ୍ଧାର କାର୍ଯ୍ୟରେ 65 ଜଣ ଅଗ୍ନିଶମ ଅଧିକାରୀ ନିୟୋଜିତ ଥିଲେ । ଏକ ମାସ ଧରି ସମ୍ପୃକ୍ତ ଯୁବକ ଜଣକ ନୟାପଲ୍ଲୀ ଅଞ୍ଚଳରୁ ନିଖୋଜ ଥିଲେ ବୋଲି ଜଣାପଡିଛି ।
ସୂଚନା ଅନୁଯାୟୀ, ପାଖାପାଖି 80 ଫୁଟ ଉଚ୍ଚର ବାଣୀବିହାର ପରିଜା ଲାଇବ୍ରେରୀ ଉପରେ ବିପଦପୂର୍ଣ୍ଣ ଅବସ୍ଥାରେ ଯୁବକ ଜଣଙ୍କ ଥିଲେ । ଖବର ପାଇ ଅଗ୍ନିଶମବାହିନୀ ଉଦ୍ଧାର ପ୍ରୟାସ ଜାରି ରଖିଥିଲେ ବି ସେ ଆତ୍ମହତ୍ୟାର ଧମକ ଦେଇ ଧରାଦେଉନଥିଲା । ତେବେ ପାଖାପାଖି 3 ଘଣ୍ଟାପରେ ଅଗ୍ନିଶମ କର୍ମଚାରୀ ବ୍ରୁଣ୍ଟୋ ହାଇ ବିଲଡି ରେସକ୍ୟୁ ମେସିନ ଜରିଆରେ ଯୁବକକୁ ଉଦ୍ଧାର କରାଯାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
