ଭୁବନେଶ୍ବର: ଦୟା ବ୍ରିଜ କଡରେ ଅଘଟଣ । ପାଣି ସୁଅକୁ ଡେଇଁପଡିଲେ ଯୁବକ । ଏପରି ଘଟଣା ଦେଖିବାକୁ ମିଳିଛି ଧଉଳି ଛକ ନିକଟ ଦୟାନଦୀ ବ୍ରିଜ କଡରେ । ବନ୍ଯାପାଣି ଯୋଗୁଁ ନଈରେ ପ୍ରଖର ସୁଅ ଥିବାବେଳେ ଯୁବକ ଜଣକ ହଠାତ ଡେଇଁପଡିଥିଲେ । ଏନେଇ ପୋଲିସ କଣ୍ଟ୍ରୋଲରୁମକୁ ଖବର ଦିଆଯିବା ପରେ ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
କଳ୍ପନା ଦମକଳ କେନ୍ଦ୍ରରୁ ୨ ଟିମ ପାୱାର ବୋଟ ସହ ଉଦ୍ଧାର କାର୍ଯ୍ଯ ଜାରି ରଖିଛନ୍ତି । ତେବେ କିଏ ଓ କେଉଁ କାରଣରୁ ପାଣିକି ଡେଇଁଛନ୍ତି, ସେନେଇ କୌଣସି ସୂଚନା ମିଳିନାହିଁ। ଏପରିକି ଡେଇଁପଡିଥିବା ଯୁବକର ପରିଚୟ ମିଳିପାରିନାହିଁ । ଅଗ୍ନିଶମ କର୍ମଚାରୀ ଉଦ୍ଧାର କାର୍ଯ୍ୟ ଜାରି ରଖିଥିବାବେଳେ ପାଣି ସୁଅ ଯୋଗୁ ଯୁବକ ଜଣକ ଦୂରକୁ ଭାସି ଯାଇଥିବା କଥା ସନ୍ଦେହ କରୁଛନ୍ତି ଉପସ୍ଥିତ କର୍ମଚାରୀ।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
