ଭୁବନେଶ୍ବର: ଯୁବ କଂଗ୍ରେସ ପକ୍ଷରୁ ସ୍ବର୍ଗତ ସଂଗ୍ରାମ ଜେନାଙ୍କ ଉଦ୍ଦେଶ୍ୟରେ କଂଗ୍ରେସ ଭବନ ଠାରେ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି । ଭଦ୍ରକ ଲୋକସଭା ପ୍ରାର୍ଥୀ, ତଥା ଓଡ଼ିଶା ଯୁବ କଂଗ୍ରେସର ପୂର୍ବତନ ସଭାପତି ଭାବେ ବେଶ ଜଣାଶୁଣା ଥିବା ସଂଗ୍ରାମ ଜେନାଙ୍କ ବିୟୋଗ କଂଗ୍ରେସ ପାଇଁ ଏକା ଅପୂରଣୀୟ କ୍ଷତି ।
ଯୁବ କଂଗ୍ରେସର ସ୍ବର୍ଗତ ସଂଗ୍ରାମ ଜେନାଙ୍କ ଶ୍ରଦ୍ଧାଞ୍ଜଳି ସଭା
କାରଣ ସେ ଜଣେ ଦକ୍ଷ ସଂଗଠକ ଥିଲେ। ତେଣୁ, ସଂଗ୍ରାମ କେଶରୀ ଜେନାଙ୍କ ଏହି ଶ୍ରଦ୍ଧାଞ୍ଜଳି ସଭାରେ ଯୁବ ସଭାପତି ସ୍ମୃତି ରଞ୍ଜନ ଲେଙ୍କା ସମେତ ବହୁ ବରିଷ୍ଠ ଯୁବ କଂଗ୍ରେସ ନେତା ଉପସ୍ଥିତ ରହିବା ସହ ତାଙ୍କର ପୂର୍ବ ସ୍ମୃତିକୁ ମନେପକାଇଥିଲେ । ଅନ୍ୟପଟେ ତାଙ୍କ ସ୍ମୃତିରେ ଛାତ୍ର କଂଗ୍ରେସ ପକ୍ଷରୁ ଏକ ମହମବତୀ ଶୋଭାଯାତ୍ରା ମାଷ୍ଟରକ୍ୟାଣ୍ଟିନ ଠାରୁ ରାମ ମନ୍ଦିର ପର୍ଯ୍ୟନ୍ତ କରାଯାଇଥିଲା। ଏହି ଶୋଭାଯାତ୍ରାରେ ବିଧାୟକ ତାରାବାହିନୀ ପତି, ସୁର ରାଉତରାୟ ସମେତ ଛାତ୍ର କଂଗ୍ରେସର ସଭାପତି ୟାଶିର ନୱାଜ ଓ ଅନେକ ଛାତ୍ରନେତା ଉପସ୍ଥିତ ଥିଲେ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
