ଭୁବନେଶ୍ବର: ଆସନ୍ତା ୨୪ ଘଣ୍ଟା ମଧ୍ୟରେ ରାଜ୍ୟରେ ପ୍ରବଳ ଶୀତ ଲହରୀ ଜାରି ରହିବ । ଯାହାକୁ ନେଇ ପାଣିପାଗ ବିଭାଗ ପକ୍ଷରୁ ୟୋଲୋ ୱାର୍ଣ୍ଣିଂ ଜାରି କରାଯାଇଛି । ଝାରସୁଗୁଡା ଓ ସୁନ୍ଦରଗଡ ଜିଲ୍ଲାରେ ପ୍ରବଳ ଥଣ୍ତା ଅନୁଭୂତ ନେଇ ସତର୍କ ଜାରି କରିଛି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ।
ଏହି 2 ଜିଲ୍ଲାରେ ରାତି ସମୟରେ ଘରୁ ନବାହାରିବାକୁ ପରାମର୍ଶ ଦେଇଛି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର। ଆସନ୍ତା 5 ଦିନ ପାଗ ଶୁଖିଲା ରହିବ। ତେବେ ଆଭ୍ୟନ୍ତରୀଣ ଜିଲ୍ଲା ଗୁଡିକରେ ସ୍ଵଳ୍ପରୁ ମଧ୍ୟମ ଧରଣର କୁହୁଡି ଦେଖା ଦେଇପାରେ।
ସେହିପରି ଉପକୂଳରେ 2 ରୁ 3 ଡିଗ୍ରୀ ତାପମାତ୍ରା ହ୍ରାସ ପାଇବ ଏବଂ ଆଭ୍ୟନ୍ତରୀଣ ଜିଲ୍ଲା ଗୁଡିକରେ 3 ରୁ 5 ଡିଗ୍ରୀ ତାପମାତ୍ରା ଖସିବ। ଆସନ୍ତା ୧୮ ତାରିଖ ପରେ ରାତ୍ରି ତାପମାତ୍ରା ବୃଦ୍ଧି ପାଇବ। ଗତ ୨୪ଘଣ୍ଟାରେ 10 ଡିଗ୍ରୀ ତଳେ ରହିଛି 5 ସହର ତାପମାତ୍ରା।
ଯେଉଁଥିରେ ଫୁଲବାଣୀରେ ସର୍ବନିମ୍ନ ତାପମାତ୍ରା ୬.୦ , ଝାରସୁଗୁଡାରେ ୭.୪, ଦାରିଙ୍ଗିବାଡ଼ିରେ ୮.୫, ସୁନ୍ଦରଗଡ଼ରେ ୯.୦, ବଲାଙ୍ଗୀରରେ ୧୦.୦ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି। ଉପକୂଳ ଓ ଆଭ୍ୟନ୍ତରୀଣ କିଛି ଜିଲ୍ଲା ଗୁଡିକରେ ସ୍ବଳ୍ପ କୁହୁଡି ଦେଖାଦେଇଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
