ଭୁବନେଶ୍ବର: ମାଳିସାହିରେ ଅନ୍ତର୍ଜାତୀୟ ମହିଳା ଦିବସ ପାଳନ । ସାମାଜିକ ସଙ୍ଗଠନ ପକ୍ଷରୁ ମହିଳା ଦିବସ ପାଳନ କରାଯାଇଛି । ସଙ୍ଗଠନର ଉଥାନ କାର୍ଯ୍ୟକ୍ରମ ମାଧ୍ୟମରେ ବିଭିନ୍ନ ପ୍ରତିଯୋଗିତା ଆୟୋଜନ କରାଯାଇ ସେମାନଙ୍କୁ ପୁରସ୍କୃତ କରିଥିଲେ । ଏହି କାର୍ଯ୍ୟକ୍ରମରେ ମାଧ୍ୟମରେ ସେମାନଙ୍କୁ ମୁଖ୍ୟସ୍ରୋତକୁ ଆଣିବାକ ପ୍ରୟାସ କରାଯାଇଛି ।
ସେହିପରି ଗୋଡିବାରିରେ ସୋଲ ଫାଉଣ୍ଡେସନ ପକ୍ଷରୁ ଆଦିବାସୀ ମହିଳାଙ୍କ ମଧ୍ୟରେ ସଚେତନା ସୃଷ୍ଟି ସହ ନାପକିନ ବଣ୍ଟନ କରିଥିଲେ । ସ୍ବଚ୍ଛତା ଉପରେ ସଚେତନ କରାଯାଇଥିଲା । ଏଥିସହ ସେମାନଙ୍କୁ ମାସ୍କ ବଣ୍ଟନ କରି କୁନି ପିଲାଙ୍କୁ ଛବିଳ ବର୍ଣ୍ଣବୋଧ ଦେଇଥିଲେ ।
ଚର୍ଚ୍ଚାର ବିଷୟ ହୋଇଥିଲା ଟ୍ରାଫିକ କର୍ମଚାରୀଙ୍କ ସହ ଜୟ ଓଡିଶା ଫାଉଣ୍ଡେସନର ଡ୍ୟାନ୍ସ । ମହିଳା ଦିବସରେ ଜୟ ଓଡିଶାର କର୍ମକର୍ତ୍ତା ସେମାନଙ୍କୁ ଗୀତର ତାଳେ ତାଳେ ନଚାଇବାକୁ ପ୍ରୟାସ କରିଥିଲେ ।ଏହି ଅବସରରେ ପୋଲିସ କମିସନର ମଧ୍ୟ ଯୋଗ ଦେଇ ମହିଳା ଟ୍ରାଫିକ କର୍ମଚାରୀଙ୍କୁ ବିଭିନ୍ନ ଗିଫ୍ଟ ବଣ୍ଟନ କରି ଉତ୍ସାହିତ କରିଥିଲେ । ସେହିପରି ଏୟାରପୋର୍ଟରେ ଆପୋଲ ହସପିଟାଲ ପକ୍ଷରୁ ସିଆଇଏସଫ ପରିସରରେ ପାଳିତ ହୋଇଥିଲା ମହିଳା ଦିବସ । ଏୟାରପୋର୍ଟରେ କାର୍ଯ୍ୟରତ ସିଆଇଏସଫ ମହିଳା କର୍ମଚାରୀଙ୍କୁ ସମ୍ମାନିତ କରିବା ସହ ସେମାନଙ୍କ ସହ ମହିଳା ଦିବସ ପାଳନ କରାଯାଇଥିଲା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
