ବିଜୟର ଶ୍ରେୟ ଜନସାଧାରଣଙ୍କୁ ଯିବ: ପ୍ରତାପ ଜେନା

ଲଗାତାର ପଞ୍ଚମ ଥର ପାଇଁ ବିଧାନସଭାକୁ ନିର୍ବାଚିତ ହୋଇଛନ୍ତି ବିଜେଡିର ପାର୍ଥୀ ପ୍ରତାପ ଜେନା। ଏହି ବିଜୟର ଶ୍ରେୟ ସେ ମାହାଙ୍ଗା ନିର୍ବାଚନମଣ୍ଡଳୀର ସମସ୍ତ ଜନସାଧାରଣଙ୍କୁ ଦେଇଛନ୍ତି ।

ଭୁବନେଶ୍ୱର: ଲଗାତାର ପଞ୍ଚମ ଥର ପାଇଁ ବିଧାନସଭାକୁ ନିର୍ବାଚିତ ହୋଇଛନ୍ତି ବିଜେଡିର ପାର୍ଥୀ ପ୍ରତାପ ଜେନା। ନବୀନ ପଟ୍ଟନାୟକଙ୍କ ସରକାରରେ ବହୁ ଗୁରୁତ୍ୱପୂର୍ଣ୍ଣ ଦାୟିତ୍ୱ ସମ୍ଭାଳିଥିବା ଏହି ନେତା ଚଳିତ ବିଧାନସଭା ନିର୍ବାଚନରେ ନିଜର ପ୍ରତିଦ୍ବନ୍ଦି ବିଜେପି ର ସାରଦା ପ୍ରସାଦ ପ୍ରଧାନଙ୍କ ଠାରୁ ପାଖାପାଖି 30 ହଜାର ଭୋଟ ବ୍ୟବଧାନରେ ବିଜୟ ଲାଭ କରିଛନ୍ତି।

ବହୁ ସଂଘର୍ଷ ପୂର୍ଣ୍ଣ ଏହି ବିଜୟର ଶ୍ରେୟ ସେ ମାହାଙ୍ଗା ନିର୍ବାଚନମଣ୍ଡଳୀର ସମସ୍ତ ଜନସାଧାରଣଙ୍କୁ ଦେଇଛନ୍ତି । ଏହା ସହିତ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଲୋକପ୍ରିୟତା ଓ କଲ୍ୟାଣମୂଳକ ଯୋଜନା ପାଇଁ ରାଜ୍ୟରେ ଦଳର ଏହିଭଳି ଅଦ୍ଭୂତପୂର୍ବ ବିଜୟ ହୋଇଥିବା ସେ କହିଛନ୍ତି।

ଲୋକମାନଙ୍କ ପାଇଁ ଅନେକ ଯୋଜନା କାର୍ଯ୍ୟକାରୀ ହେଉଛି। ତେବେ ଆଗାମୀ ଦିନରେ ବାକିଥିବା ଅନେକ କାର୍ଯ୍ୟ କରିବାର ଅଛି ବୋଲି ବିଜୟୀ ପ୍ରତାପ ଜେନା କହିଛନ୍ତି।

ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ