ଭୁବନେଶ୍ବର: ବନ୍ୟପ୍ରାଣୀ ତସ୍କରୀ ମାମଲାର ଆର୍ଥିକ କାରବାର ନେଇ ଛାନଭିନ କରିବ ED (ପ୍ରବର୍ତ୍ତନ ନିର୍ଦ୍ଦେଶାଳୟ) । ନିଜ ଆଡୁ ୪ଟି STF ମାମଲାର ତଦନ୍ତ ଭାର ହାତକୁ ନେଇଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଏନେଇ ଦୁଇଟି ବାଘ ଛାଲ ଘଟଣା ସହ ହାତୀ ଦାନ୍ତ ମାମଲାର ଅଭିଯୁକ୍ତ ଏବେ ED ରାଡାରକୁ ଆସିଛନ୍ତି ।
ତେବେ ଗତ ଫେବୃଆରୀ 14 ତାରିଖରେ ନୂଆପଡାରେ ବାଘଛାଲ ଘଟଣାର ଅଭିଯୁକ୍ତ ସୁବିର ନାଥ ସିଂହଦେଓଙ୍କ ମାମଲା ସହିତ ଜାନୁଆରୀ ୧୪ ତାରିଖରେ ସମ୍ବଲପୁରରୁ ଧରା ପଡଥିବା ବାଘ ଛାଲ କେସର ଅଭିଯୁକ୍ତ ହୃଷିକେଷ କୁମ୍ଭାର ମାମଲାର ତଦନ୍ତ କରିବ ଇଡି଼ ।
ସେହିପରି ଫେବୃଆରୀ ୧୨ ତାରିଖରେ ଯାଜପୁରରୁ ହାତୀ ଦାନ୍ତ କେସର ଅଭିଯୁକ୍ତ ପିତବାସ ବାରିକ ଓ ଗତବର୍ଷ ନଭେମ୍ବର ୨୫ ତାରିଖରେ ବଡ଼ଗଡ଼ ହାତୀ ଦାନ୍ତ ତସ୍କରୀ ମାମଲାର ଅଭିଯୁକ୍ତ ସତ୍ୟଵାନ ସାହୁଙ୍କ ଆର୍ଥିକ କାରବାରର ମଧ୍ୟ ତଦନ୍ତ କରିବ ଇଡି ।
କିଭଳି ବନ୍ୟପ୍ରାଣୀ ଅଙ୍ଗ ତସ୍କରୀ ମାମଲାରେ ଏମାନେ କୋଟି କୋଟି କାରବାର କରୁଥିଲେ, କିଭଳି ଭାବରେ ଅନେକ ସମ୍ପତ୍ତିର ମାଲିକ ହୋଇଥିଲେ ଏ ସମ୍ପର୍କରେ ଇଡ଼ି ଖୋଳତାଡ଼ କରିବ ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
