ଭୁବନେଶ୍ବର: ପରିବେଶ ସନ୍ତୁଳନ ପାଇଁ ବନ୍ୟପ୍ରାଣୀ ସୁରକ୍ଷା ଅତ୍ୟନ୍ତ ଜରୁରୀ । ଓଡିଶାରେ ଏବେ ବନ୍ୟପ୍ରାଣୀ ଆଉ ସୁରକ୍ଷିତ ନୁହଁନ୍ତି । ବିଶେଷ କରି ହାତୀମାନଙ୍କ ପାଇଁ ଓଡିଶା ଏବେ ପାଲଟିଛି ମରଣଯନ୍ତା । ଗତ ଦେଢ ମାସ ମଧ୍ୟରେ 5ଟି ହାତୀଙ୍କ ମୃତ୍ୟୁ ହୋଇସାରିଛି । ଏହି କ୍ରମରେ ବନ୍ୟପ୍ରାଣୀଙ୍କ ସୁରକ୍ଷା କିଭଳି ଭାବରେ କରିହେବ ଏବଂ ସେମାନଙ୍କ ରକ୍ଷଣାବେକ୍ଷଣ କରାଯିବ ସେନେଇ ବନ୍ୟପ୍ରାଣୀ ସପ୍ତାହରେ ଆଲୋଚନା କରାଯାଇଛି ।
ଗାନ୍ଧୀ ଜୟନ୍ତୀ ଠାରୁ ଅକ୍ଟୋବର 8 ତାରିଖ ପର୍ଯ୍ୟନ୍ତ ଏକ ସପ୍ତାହ ବ୍ୟାପି ବନ୍ୟପ୍ରାଣୀ ସପ୍ତାହ ପାଳନ କରାଯାଉଛି । 1955 ମସିହାରୁ ସପ୍ତାହେ ବ୍ୟାପି ଏହି ବନ୍ୟପ୍ରାଣୀ ସପ୍ତାହ ପାଳନ କରାଯାଉଛି । ଓଡିଶା ଏମିତି ଏକ ରାଜ୍ୟ ଯାହାର ୩ ପ୍ରକାର କୁମ୍ଭୀର ଅଭୟାରଣ୍ୟ ରହିଛି । ଏହାଛଡା ଧଳା ବାଘ ମଧ୍ୟ ଦେଖିବାକୁ ମିଳିଥାଏ । ଭିତରକନିକା ଓ ସାତକୋଶିଆ ବାଘ ପାଇଁ ପ୍ରସିଦ୍ଧ ଲାଭ କରିଛି। ସୁନାବେଡା ଓ ଟ୍ରିବ୍ୟୁଡଗଡରେ ବାଘ ପ୍ରକଳ୍ପ କରାଯାଇଛି । ସରକାରଙ୍କ 5‘ଟି’ କାର୍ଯ୍ୟକ୍ରମ ମଧ୍ୟ ବନ୍ୟପ୍ରାଣୀ ସଂରକ୍ଷଣ ଦିଗରେ କାମ କରିବ । ବିଶେଷ କରି ଶିମିଳିପାଳରେ ବାଘ ଉପରେ ଟେକ୍ନୋଲୋଜି ନଜର ରଖିବ ।
ସେହିପରି ଓଡିଶାରେ ୧୨ଟି ବନ୍ୟପ୍ରାଣୀ ସଂରକ୍ଷଣ କାର୍ଯ୍ୟକ୍ରମ କରାଯାଇ ଥିବାବେଳେ ନନ୍ଦନକାନନରେ ୧୫୫ଟି ବନ୍ୟପ୍ରାଣୀ ରହିଛନ୍ତି । ସମ୍ବଲପୁର, କପିଳାସ ଆଦି ବନ୍ୟଜୀବ କ୍ଷେତ୍ରରେ ବାଘ ହାତୀ ବାରହା ଆଦିର ବିସ୍ତାର କରାଯାଇଛି । ମଧୁର ପ୍ରାଣୀ କଇଁଛ ପାଇଁ ଟିକରପଡାରେ ସଂରକ୍ଷଣ କରାଯାଇଛି ।
ସେହିପରି ୨୦୧୪ ମସିହାରୁ ୧୨ ଟି ସ୍ଥାନକୁ ହାତୀଙ୍କ ଚଲାପଥ ଭାବେ ଚିହ୍ନଟ କରାଯାଇଛି । 72 ବର୍ଗକିମିରୁ ୧୧୩୨ ବର୍ଗକିମି ହାତୀଙ୍କ ରହିବା ପାଇଁ ସ୍ଥାନ କରାଯାଇଛି । ବନ୍ୟଜନ୍ତୁ ଆକ୍ରମଣରେ ମୃତ୍ୟୁ ଗ୍ରହଣ କରିଥିବା ବ୍ୟକ୍ତିଙ୍କୁ ୧ ଲକ୍ଷ ଟଙ୍କା ସହାୟତା ରାଶି ପ୍ରଦାନ କରାଯାଉଛି । ଫନି ମହାବାତ୍ୟାରେ କ୍ଷତିଗ୍ରସ୍ତ ହୋଇଥିବା ବନ୍ୟ କ୍ଷେତ୍ରକୁ ଦ୍ରୁତ ଗତିରେ ସୁଧାରିବାକୁ ପ୍ରୟାସ ଜାରି ରହିଛି । ବାତ୍ୟାରେ ପାଖାପାଖି ୨୦ ଲକ୍ଷ ବୃକ୍ଷର ନଷ୍ଟ ହୋଇଛି । ସର୍ଭେ ଅନୁଯାୟୀ ୫୮୦ ବର୍ଗ କିମି ନୂତନ ଜଙ୍ଗଲ ସୁରକ୍ଷା କରିବାରେ ଭାରତ ଚତୁର୍ଥ ସ୍ଥାନ ହାସଲ କରିଛି ।
ଆୟୋଜିତ ବନ୍ୟପ୍ରାଣୀ ସପ୍ତାହ ଅବସରରେ ମାନ୍ୟବର ଜଙ୍ଗଲ ଓ ପରିବେଶ, ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ, ଜଙ୍ଗଲ ବିଭାଗର ପ୍ରମୁଖ ଶାସନ ସଚିବ ମୋନା ଶର୍ମା, ପ୍ରଧାନ ମୁଖ୍ୟ ବନ ସଂରକ୍ଷକ ସନ୍ଦୀପ ତ୍ରିପାଠୀ ପ୍ରମୁଖ ଉପସ୍ଥିତ ରହିଥିଲେ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
