ଭୁବନେଶ୍ବର: ଆଭ୍ୟନ୍ତରୀଣ ଓଡ଼ିଶାରେ କୁହୁଡି ନେଇ ସତର୍କ ସୂଚନା । ଆସନ୍ତାକାଲି ଅର୍ଥାତ ୪ ଡିସେମ୍ବର ସକାଳ ସମୟରେ ତାମିଲନାଡୁ ଓ କନ୍ୟାକୁମାରୀ ଉପକୂଳ ଅତିକ୍ରମ କରିବ ଦକ୍ଷିଣ ପଶ୍ଚିମ ବଙ୍ଗୋପସାଗରରେ ସୃଷ୍ଟ ବାତ୍ୟା "ବୁରେଭି" । ତେବେ ବାତ୍ୟାର କୌଣସି ପ୍ରଭାବ ଓଡିଶା ଉପରେ ପଡିବ ନାହିଁ ।
କୁହୁଡି ବଳୟରେ ଆଭ୍ୟନ୍ତରୀଣ ଓଡିଶା
ଆସନ୍ତା ୫ ଦିନ ପର୍ଯ୍ୟନ୍ତ ରାଜ୍ୟରେ ପାଗ ଶୁଖିଲା ରହିବ। ଭୁବନେଶ୍ୱର ଆକାଶ ନିର୍ମଳ ରହିବା ସହ ତାପମାତ୍ରା ହ୍ରାସ ପାଇବ ।
ଗତ ୨୪ ଘଣ୍ଟା ଭିତରେ ରାଜ୍ୟରେ ୧୫ ଡିଗ୍ରୀ ତାପମାତ୍ରା ତଳେ ୧୭ ସହର ରହିଛି । ଫୁଲବାଣୀରେ ସର୍ବନିମ୍ନ ତାପମାତ୍ରା ୮.୮ ରେକର୍ଡ କରାଯାଇଛି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
