ଭୁବନେଶ୍ବର: ଖଣ୍ଡଗିରି ଥାନା ଓ ସ୍ପେଶାଲ ସ୍କ୍ବାଡର ମିଳିତ ଅପରେସନରେ ଜଣେ କୁଖ୍ୟାତ ଅପରାଧୀଙ୍କୁ ଏନକାଉଣ୍ଟର କରାଯାଇଚି । ଏହି ଅପରାଧୀ ହେଉଛି ସୁଶାନ୍ତ ମାଝୀ । ଏନକାଉଣ୍ଟରରେ ସୁଶାନ୍ତର ବାମ ଗୋଡରେ ଗୁଳି ବାଜିଛି ।
ଖୋର୍ଦ୍ଧାରେ ରହୁଥିବା ଅପରାଧି ସୁଶାନ୍ତ ଡକାୟତି କରିବା ପାଇଁ ଖଣ୍ଡଗିରି ଅଞ୍ଚଳରେ ଥିବା କଳିଙ୍ଗନଗରକୁ ଆସୁଥିବାର ଖବର ପାଇଥିଲା ପୋଲିସ । ଏହାପରେ ପୋଲିସ ଏକ ସ୍ପେଶାଲ ଟିମ ଗଠନ କରି ମିଳିତ ଭାବରେ ଚଢାଉ କରିଥିଲା । ଏହା ଜାଣିପାରି ସୁଶାନ୍ତ ପୋଲିସ ଉପରକୁ ଗୁଳି କରିଥିଲା । ତେବେ ଏହାର ପ୍ରତି ଜବାବରେ ପୋଲିସ ମଧ୍ୟ ଗୁଳି କରିଥିଲା । ପୋଲିସ ଗୁଳିରେ ଆହତ ହୋଇଥିଲା ସୁଶାନ୍ତ । ଏହାପରେ ତାକୁ ଏକ ଘରୋଇ ଡାକ୍ତରଖାନାକୁ ପଠାଯାଇଛି ।
ଏଠାରେ ସୂଚନାଯୋଗ୍ୟ, ସୁଶାନ୍ତ ଗତ 9 ମାସ ତଳେ ହୋଇଥିବା ଗୁଳିକାଣ୍ଡ ଘଟଣାରେ ଫେରାର ଥିଲା । ଏହାସହ ଖୋର୍ଦ୍ଧା ଟାଙ୍ଗି ଥାନା ଅଧୀନରେ 60 ଲକ୍ଷ ଟଙ୍କାର ଏକ ଚୋରି ଘଟଣାରେ ମଧ୍ୟ ସେ ସମ୍ପୃକ୍ତ ଥିଲା । ତେବେ ସୁଶାନ୍ତ ନାଁରେ ଅନେକ ଅପରାଧିକ ମାମଲା ଥିବାବେଳେ ପୋଲିସ ଅଧିକ ତଦନ୍ତ ଜାରି ରଖିଛି।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
