ଭୁବନେଶ୍ବର: ଭିଜିଲାନ୍ସ ଜାଲରେ ଲାଇଭଷ୍ଟକ୍ ଇନ୍ସପେକ୍ଟର । ଆୟବହିର୍ଭୂତ ସମ୍ପତ୍ତି ଅଭିଯୋଗରେ ରେଡ୍ କଲା ଭିଜିଲାନ୍ସ । ଭୁବନେଶ୍ୱର ରଘୁନାଥପୁର କଳାରାହଙ୍ଗର ଲାଇଭ ଷ୍ଟକ୍ ଇନ୍ସପେକ୍ଟର ଜଗନ୍ନାଥ ରାଉତଙ୍କ ଘରେ ଚଢାଉ କରିଛି ଭିଜିଲାନ୍ସ ବିଭାଗ । ଏକକାଳୀନ ୯ଟି ସ୍ଥାନରେ ଚଢାଉ ଚାଲିଥିବାବେଳେ ଭୁବନେଶ୍ୱରରେ ୮ଟି ଓ କଟକ ବାଙ୍କୀର ଗୋଟିଏ ସ୍ଥାନରେ ରେଡ୍(Vigilance Raid) ଜାରି ରହିଛି ।
ଏହି ଚଢାଉରେ ୫ ଜଣ DSP ଓ ୧୦ ଜଣ ଇନ୍ସପେକ୍ଟର ସାମିଲ ଅଛନ୍ତି । କଳାରାହଙ୍ଗର ଅଫିସ, ପୈତୃକ ଘର ସମେତ ୯ଟି ଜାଗାରେ ଚଢାଉ କରୁଛି ଭିଜିଲାନ୍ସ । ବର୍ତ୍ତମାନ ସୁଦ୍ଧା କେତେ ପରିମାଣର ସମ୍ପତ୍ତି ଜବତ ହୋଇଛି ସେନେଇ ସ୍ପଷ୍ଟ ସୂଚନା ମିଳିପାରି ନାହିଁ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
