ଭୁବନେଶ୍ବର: ଦୁର୍ନୀତିରେ ଲିପ୍ତ ରହୁଛନ୍ତି ମହିଳା ସରକାରୀ କର୍ମଚାରୀ । ବିଭିନ୍ନ ସମୟରେ ଭିଜିଲାନ୍ସ ଜାଲରେ ଛନ୍ଦି ହେବା ସହ ବନ୍ଧା ହେଉଛନ୍ତି ମହିଳା ସରକାରୀ କର୍ମଚାରୀ । ଗତ ଗତ ୫ ବର୍ଷ ଭିତରେ ୧୬୮ ମହିଳା କର୍ମଚାରୀଙ୍କ ଉପରେ ଭିଜିଲାନ୍ସ ମାମଲା ହୋଇଛି । ଆଜି ବିଧାନସଭାରେ ଏହି ଉତ୍ତର ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ବିଧାନସଭାରେ ଖଣ୍ଡପଡା ବିଜେଡି ବିଧାୟକ ସୌମ୍ୟରଞ୍ଜନ ପଟ୍ଟନାୟକ ଦୁର୍ନୀତିରେ ମହିଳାଙ୍କ ସମ୍ପୃକ୍ତିକୁ ନେଇ ଏକ ପ୍ରଶ୍ନ କରିଥିଲେ । ଏହାର ଲିଖିତ ଉତ୍ତର ରଖିଛନ୍ତି ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀ କହିଛନ୍ତି ଯେ, ଗତ ୫ ବର୍ଷ ମଧ୍ୟରେ ( ୧.୧.୧୭ ରୁ ୩୧.୧.୨୧) ମଧ୍ୟରେ ୧୬୮ ଜଣ ମହିଳା କର୍ମଚାରୀଙ୍କ ଉପରେ ଭିଜିଲାନ୍ସ ମାମଲା ରୁଜୁ ହୋଇଛି । ଚଢାଉ ବେଳେ ଏହି ୫ ବର୍ଷ ଭିତରେ ୭୧ କୋଟି ୨୬ ଲକ୍ଷ ୨୩ ହଜାର ୯୪୯ ଟଙ୍କାର ସମ୍ପତ୍ତି ଠାବ ହୋଇଛି ।
ଇଟିଭି ଭାରତ, ଭୁବନେଶ୍ବର
