ଭୁବନେଶ୍ବର: ସମଗ୍ର ଦେଶରେ ସାଙ୍ଘାତିକ ସ୍ଥିତି ସୃଷ୍ଟି କରିଛି କୋରୋନା । ଏହି ପରିପ୍ରେକ୍ଷୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପରାମର୍ଶକୁ ଅନୁସରଣ କରିବା ସହ କୋଭିଡ ଦ୍ବିତୀୟ ଲହର ସଂକ୍ରମଣ ରୋକିବାକୁ ଯଥେଷ୍ଟ ସତର୍କତା ଅବଲମ୍ବନ କରିବା ପାଇଁ ସମସ୍ତଙ୍କୁ ଅନୁରୋଧ କରିଛନ୍ତି ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ।
ବାରମ୍ବାର ହାତ ଧୁଅନ୍ତୁ, ସର୍ବଦା ମାସ୍କ ପିନ୍ଧନ୍ତୁ, ଅତ୍ୟାବଶ୍ୟକ ନଥିଲେ ବାହାରକୁ ଯାଆନ୍ତୁ ନାହିଁ ଏବଂ ସବୁବେଳେ ସାମାଜିକ ଦୂରତା ରକ୍ଷା କରିବାକୁ ବର୍ଷା ଲୋକଙ୍କୁ ସଚେତନ କରିଛନ୍ତି । ଏପରିକି କୋଭିଡ ନିୟମ ମାନିବା ହିଁ କୋଭିଡ ଦ୍ବିତୀୟ ଲହର ସମୟରେ ନିଜ ଜୀବନକୁ ଉତ୍ସବ କରି ନିଃସ୍ବାର୍ଥପର ସେବା ଯୋଗାଉଥିବା ସମସ୍ତ କୋଭିଡ ଯୋଦ୍ଧାଙ୍କୁ ପାଇଁ ଆମର ସର୍ବନିମ୍ନ ସହୟତା ହେବ ବୋଲି ସେ କହିଛନ୍ତି । ଆହୁରି ମଧ୍ୟ ଆମ ଚାରିପାଖରେ ଥିବା ନିଃସହାୟ ଲୋକଙ୍କୁ ସାହାର୍ଯ୍ୟ କରିବାକୁ ବର୍ଷା ଅନୁରୋଧ କରିବା ସହ ମହାମାରୀ ବିରୋଧୀ ଲଢେଇରେ ଆମେ ସମସ୍ତେ ଏକାଠି ଲଢେଇ କରୁଛେ ଏବଂ ଏହାକୁ ଏକାଠି ହରାଇବା ବୋଲି ସେ ପ୍ରକାଶ କରିଛନ୍ତି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
