ଭୁବନେଶ୍ବର: ବର୍ଷ ସରୁଛି ହେଲେ ମାମଲାର ସମାଧାନ ସରୁନି । କେସ ଗଡି ଗଡି ଚାଲୁଛି । ପ୍ରତିବର୍ଷ ନୂଆ ନୂଆ ହାଇପ୍ରୋଫାଇଲ ମର୍ଡର କେସ ଯୋଡି ହେଉଛି ରାଜ୍ୟର ଅପରାଧ ମାମଲାରେ । କେଉଁଠି ମୃତଦେହ ମିଳୁଛି ତ ଆଉ କେଉଁଠି ମୃତକଙ୍କ ପରିଚୟ ମିଳିପାରୁନି । ଫଳରେ ଥାନାରେ ପଡିରହୁଛି ଏକାଧିକ ଅପରାଧିକ ମାମଲା ।
ବିଗତ କିଛି ଦିନର ରେକର୍ଡ ଦେଖିଲେ କମିଶନରେଟ ପୋଲିସର ଭୁବନେଶ୍ୱର UPD ରେ ଏମିତି କିଛି ହାଇପ୍ରୋଫାଇଲ ମର୍ଡର କେସ ଦେଖିବାକୁ ମିଳୁଛି । ଯେଉଁଥିରେ ଯୋଡି ହୋଇଛି ଚଳିତ ବର୍ଷର ଦୁଇଟି ହାଇପ୍ରୋଫାଇଲ ମର୍ଡର କେସ । ଗୋଟିଏ ମାର୍ଚ୍ଚ ୧୨ ରେ ଜାଆଁଳା ଫାଣ୍ଡି ପରିସରରେ କାର ଭିତରୁ ମହିଳାଙ୍କ କଙ୍କାଳ ଉଦ୍ଧାର ଘଟଣା ଏବଂ ଅନ୍ୟଟି ଜୁଲାଇ ୨୨ ମଞ୍ଚେଶ୍ୱର କୁଆଖାଇ ନଦୀ ପଠା ବାଲି ଭିତରୁ ଅଜଣା ଯୁବକଙ୍କ ମୃତଦେହ ଉଦ୍ଧାର ଘଟଣା । ଏହି ଦୁଇ ଚର୍ଚ୍ଚିତ ଘଟଣାରେ ମୃତଦେହର ପରିଚୟ ପୋଲିସ ପାଇନାହିଁ । ପୋଷ୍ଟର ଲଗାଇ ଖୋଜିଥିଲେ ବି ପୋଲିସକୁ ପରିଚୟ ମିଳିପାରିନାହିଁ । ଫଳରେ ବର୍ଷ ସରିବାକୁ ବସିଥିଲେ ମଧ୍ୟ ପୋଲିସର ହାତ ଖାଲିପଡିଛି ।
ଅନ୍ୟପଟେ ବାର୍ଷିକ ହତ୍ୟାର ରିପୋର୍ଟ ଦେଇଛି ପୋଲିସ । ଗତ ଦୁଇବର୍ଷ ତୁଳନାରେ ଚଳିତ ବର୍ଷ ହତ୍ୟାକାଣ୍ଡ କମିଛି । ୨୦୧୯ରେ ରାଜଧାନୀରେ ୩୯ଟି ହତ୍ୟାକାଣ୍ଡ ହୋଇ ଥିବାବେଳେ ୨୦୨୦ ରେ ୪୯ଟି ହତ୍ୟାକାଣ୍ଡ ଘଟିଛି । କିନ୍ତୁ ଚଳିତ ବର୍ଷ ୩୨ ହତ୍ୟାକାଣ୍ଡ ହୋଇଛି । ୩୨ ଟି ହତ୍ୟାକାଣ୍ଡରେ ୩୫ ଜଣଙ୍କ ଜୀବନ ଯାଇଛି । ଯେଉଁଥିରେ ୨୨ ଜଣ ପୁରୁଷ ଥିବାବେଳେ ୯ ଜଣ ମହିଳା ଓ ୪ ଜଣ ଶିଶୁ ରହିଛନ୍ତି । ଅଧିକାଂଶ ହତ୍ୟାକାଣ୍ଡର ଅଭିଯୁକ୍ତଙ୍କୁ ଗିରଫ କରାଯାଇ ଥିବାବେଳେ ଆଉ କିଛି କେସର ଅଭିଯୁକ୍ତ ଏବେବି ଫେରାର ଅଛନ୍ତି, ଯେଉଁମାନଙ୍କୁ ପୋଲିସ ଏଯାବତ ଗିରଫ କରିପାରିନି ।
ଅଜଣା ମୃତଦେହ ରେକର୍ଡ:-
ରାଜଧାନୀରେ ୨୦୦୮ ରେ ୨୬ ଟି, ୨୦୦୯ ରେ ୧୩ ଟି, ୨୦୧୦ ରେ ୨୦ ଟି , ୨୦୧୧ ରେ ୧୭ ଟି, ୨୦୧୨ ରେ ୮ ଟି, ୨୦୧୩ ରେ ୭ ଟି, ୨୦୧୪ ରେ ୧୫ ଟି, ୨୦୧୫ ରେ ୪ ଟି, ୨୦୧୬ ରେ ୪ଟି, ୨୦୧୭ ରେ ୧୧ଟି ମିଳି ଥିବାବେଳେ ୨୦୧୮ ରେ ସର୍ବାଧିକ ୪୫ ଅଜଣା ମୃତଦେହ ମିଳିଛି । ସେହିପରି ୨୦୧୯ ରେ ୩୮ ଟି, ୨୦୨୦ ରେ ୨୦ ଟି ଓ ୨୦୨୧ ଏଯାବତ ୧୨ ଟି ଅଜଣା ମୃତଦେହ ମିଳିଛି ।
ହାଇପ୍ରୋଫାଇଲ ମର୍ଡର ସସପେନ୍ସ:-
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
