ଭୁବନେଶ୍ବର: ଦୈନିକ 3 ଲକ୍ଷ ଟୀକାକରଣ କରାଯାଉଥିବା ବେଳେ ଟିକା ଅଭାବ କାରଣରୁ ବହୁ ମାତ୍ରରେ ଟୀକାକରଣ କମି ଯାଇଛି । ଆଜି 15ଟି ଜିଲ୍ଲାରେ ଟୀକାକରଣ ବନ୍ଦ ରହିବ । ସେହି ଜିଲ୍ଲା ଗୁଡ଼ିକ ହେଲା ବଲାଙ୍ଗୀର, ବାଲେଶ୍ୱର, ବୌଦ୍ଧ, ଦେବଗଡ, ଗଞ୍ଜାମ, ଯାଜପୁର, କନ୍ଧମାଳ, କେନ୍ଦ୍ରାପଡା, କୋରାପୁଟ, ମାଲକାନଗିରି, ମୟୂରଭଞ୍ଜ, ନବରଙ୍ଗପୁର, ନୂଆପଡା, ରାୟଗଡା, ସୋନପୁର ଜିଲ୍ଲାରେ ଟୀକାକରଣ ବନ୍ଦ ରହିବ ।
ତେବେ ଆଜି 399ଟି ଟୀକାକରଣ କେନ୍ଦ୍ରରେ ଟୀକାକରଣ କରାଯିବ । ରାଜ୍ୟରେ ବର୍ତ୍ତମାନ ସୁଦ୍ଧା କୋଭିସିଲ୍ଡ଼ 10 ଲକ୍ଷ 55 ହଜାର 800 ଓ କୋଭାକ୍ସିନ 4 ଲକ୍ଷ 18 ହଜାର 420 ଟିକା ରହିଛି । ତେବେ ରାଜ୍ୟରେ ମୋଟ ଟୀକାକରଣ କରାଯାଇଛି 1 କୋଟି 20 ଲକ୍ଷ 89 ହଜାର 304 । ପ୍ରଥମ ଡୋଜ ଦିଆଯାଇଛି 99 ଲକ୍ଷ 26 ହଜାର 771 ଓ ଦ୍ୱିତୀୟ ଡୋଜ ନେଇଛନ୍ତି 21 ଲକ୍ଷ 62 ହଜାର 533 ଜଣ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
