ଭୁବନେଶ୍ବର: ରାଜ୍ୟରେ ଟୀକାକରଣ ନେଇ ପରିବାର କଲ୍ୟାଣ ନିର୍ଦ୍ଦେଶକଙ୍କ ସୂଚନା । ଚଳିତବର୍ଷ ଡିସେମ୍ବର ସୁଦ୍ଧା ଟୀକାକରଣ ସାରିବାକୁ ଚେଷ୍ଟା କରାଯାଉଛି । ଆଜି ୧୮ଶହ କେନ୍ଦ୍ରରେ ଟୀକାକରଣ ଚାଲିଛି । ରାଜ୍ୟରେ ଏବେ ୩କୋଟି ଟୀକାକରଣ ଶେଷ ହୋଇଛି । ବର୍ତ୍ତମାନ ଦୈନିକ ୪ ଲକ୍ଷ ଟିକା ଦିଆଯାଉଛି ବୋଲି କହିଛନ୍ତି ବିଜୟ ପାଣିଗ୍ରାହୀ ।
ସେହିପରି ସେ ଆହୁରି ମଧ୍ୟ କହିଛନ୍ତି ଯେ ରାଜ୍ୟରେ ମୋଟ ହିତାଧିକାରୀଙ୍କ ମଧ୍ୟରୁ ୭୧ ପ୍ରତିଶତ ପ୍ରଥମ ଡୋଜ ଟୀକାକରଣ ହୋଇଛି। ଦ୍ୱିତୀୟ ଡୋଜରେ ୭୨ ପ୍ରତିଶତ ଟିକା ନେଇଛନ୍ତି । ଏବେ ବି ଦ୍ୱିତୀୟ ଡୋଜ ନେବା ପାଇଁ ଆହୁରି ୨୫ ଲକ୍ଷ ଲୋକ ଅଛନ୍ତି। ଟିକା କେନ୍ଦ୍ରରେ ସେମାନଙ୍କୁ ଦ୍ବିତୀୟ ଡୋଜ କିଭଳି ଦିଆଯିବ ସେନେଇ ସମସ୍ତ ବ୍ୟବସ୍ଥା କରାଯାଉଛି । ଏବେ ସୁଦ୍ଧା ୧ ଲକ୍ଷ ୮୯ ହଜାର ଗର୍ଭବତୀଙ୍କୁ ମହିଳାଙ୍କୁ ଟିକା ଦିଆସରିଛି । ଡିସେମ୍ବର ସୁଧା ଟୀକାକରଣ ସାରିବାକୁ ଚେଷ୍ଟା କରାଯାଉଛି ବୋଲି ସୂଚନା ଦେଇଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
