ଭୁବନେଶ୍ବର: ଟିକାର ଅଭାବକୁ ନେଇ ରାଜ୍ୟରେ ଦିନକୁ ଦିନ ଟୀକାକରଣ ବନ୍ଦ ହେବାରେ ଲାଗିଛି । ତେବେ ଆଜି(ରବିବାର) 8 ଟି ଜିଲ୍ଲାରେ ଟୀକାକରଣ ବନ୍ଦ ରହିବ। ଦୈନିକ ଭାବରେ ଅନେକ ସ୍ଥାନରେ ଟୀକାକରଣ ଠିକ ଭାବରେ ପରିଚାଳନା ହୋଇପାରୁନାହି, ଯାହା ଦ୍ବାରା ଅନେକ କେନ୍ଦ୍ରରେ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଯାଉଛି।
ଟିକାର ଅଭାବ ହେତୁ ରାଜ୍ୟରେ ଅନେକ ସ୍ଥାନରେ ଟୀକାକରଣ ହୋଇପାରୁନାହିଁ । ଏନେଇ ଆଜି ରାଜ୍ୟରେ 8ଟି ଜିଲ୍ଲାରେ ଟୀକାକରଣ ବନ୍ଦ ରହିଛି। ସେଗୁଡିକ ଜିଲ୍ଲା ହେଲା ବରଗଡ, ଢେଙ୍କାନାଳ, ଗଞ୍ଜାମ, ଜଗତସିଂହପୁର, କେନ୍ଦ୍ରାପଡା, କୋରାପୁଟ, ମାଲକାନଗିରି ଓ ରାୟଗଡାରେ ଟୀକାକରଣ ବନ୍ଦ ରହିବ। ଏନେଇ ସୂଚନା ଦେଇଛି ସ୍ବାସ୍ଥ୍ୟ ବିଭଗ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
