ଭୁବନେଶ୍ବର: ଧର୍ମଘଟରେ ସାମିଲ ହେବନି ଉତ୍କଳ ପେଟ୍ରୋଲିୟମ ଆସୋସିଏସନ । ସଂସ୍ଥା ପକ୍ଷରୁ କୌଣସି ଧର୍ମଘଟ କରାଯିବ ନାହିଁ ବୋଲି ସୂଚନା । ଧର୍ମଘଟ ସମୟରେ ସମସ୍ତ ପେଟ୍ରୋଲ ପମ୍ପ ଖୋଲା ରହିବ ବୋଲି ଉତ୍କଳ ପେଟ୍ରୋଲିୟମ ଡିଲର୍ସ ସମ୍ପାଦକ ସଞ୍ଜୟ ଲାଠ କହିଛନ୍ତି ।
ଧର୍ମଘଟରେ ସାମିଲ ହେବନି ଉତ୍କଳ ପେଟ୍ରୋଲିୟମ ଆସୋସିଏସନ
ତେବେ ଆଜି(ଶୁକ୍ରବାର) ଠାରୁ ଦୁଇଦିନ ପାଇଁ ସେବା ବନ୍ଦ କରି ଧର୍ମଘଟ କରିବାକୁ ଘୋଷଣା କରିଛି ପେଟ୍ରୋଲିୟମ ଡ଼ିଲର୍ସ ଆସୋସିଏସନ୍ । ସନ୍ଧ୍ୟା 6 ରୁ ସକାଳ 6 ଟା ପର୍ଯ୍ୟନ୍ତ 12 ଘଣ୍ଟା ବନ୍ଦ ରହିବ ସମସ୍ତ ପେଟ୍ରୋଲ ପମ୍ପ । ନିକଟରେ ସରକାର ଭାଟ୍ କମାଇବା ଦ୍ଵାରା ପେଟ୍ରୋଲ ପମ୍ପ ଡିଲର୍ସମାନେ ଲକ୍ଷ ଲକ୍ଷ ଟଙ୍କାର କ୍ଷତି ସହିଛନ୍ତି । ଚଢା ଦରରେ ପେଟ୍ରୋଲ କିଣି କମ୍ ଦାମରେ ବିକିବା ଯୋଗୁଁ କ୍ଷତି ହେଉଥିବା ଅଭିଯୋଗ କରି ସଂସ୍ଥା ପକ୍ଷରୁ ବନ୍ଦ ନିଷ୍ପତ୍ତି ନିଆଯାଇଛି ।
ତେଣୁ ତୈଳ କମ୍ପାନୀମାନଙ୍କ ଠାରୁ କ୍ଷତିପୂରଣ ଦାବିରେ ଏହି ଧର୍ମଘଟର ଡାକରା ଦିଆଯାଇଛି । ମାତ୍ର ଉତ୍କଳ ପେଟ୍ରୋଲିୟମ ଆସୋସିଏସନ ଏଥିରେ ସାମିଲ ହେବନାହିଁ ବୋଲି ସ୍ପଷ୍ଟ କରିଛି ।
