ଭୁବନେଶ୍ବର: ପ୍ରକୃତିକୁ ଉପଯୋଗ କରି ପର୍ଯ୍ୟଟନ କ୍ଷେତ୍ରରେ ସମୃଦ୍ଧି ହାସଲ କରାଯାଇପାରିବ। କାରଣ ବର୍ତ୍ତମାନ ସମୟରେ ଲୋକମାନଙ୍କୁ ଟିକେ ଶାନ୍ତି ଓ ପ୍ରଦୂଷଣ ମୁକ୍ତ ପରିବେଶରୁ ବାହାରି ଶାନ୍ତ କୋମଳ ପ୍ରକୃତି କୋଳରେ କିଛି ନିରୋଳା ସମୟ ବିତାଇବାକୁ ଚାହାଁନ୍ତି।
ଏନେଇ ବିଭିନ୍ନ ସ୍ଥାନରେ ଛୋଟ ଛୋଟ କଟେଜ ନିର୍ମାଣ କରି ଲୋକଙ୍କ ଚାହିଦା ମେଣ୍ଟାଯାଇ ପର୍ଯ୍ୟଟନର ବିକାଶ କରାଯାଇ ପାରିବ ବୋଲି ରାଜ୍ୟପାଳ ପ୍ରଫେସର ଗଣେଶି ଲାଲ କହିଛନ୍ତି। ସ୍ଥାନୀୟ ସ୍ବସ୍ତି ପ୍ରିମୀୟମ ଠାରେ ହୋଟେଲ ଓ ରେଷ୍ଟୁରାଣ୍ଟ ଆସୋସିଏସନ ଅଫ ଓଡିଶା ପକ୍ଷରୁ ଆୟୋଜିତ ହୋଇଥିବା ଚତୁର୍ଥ ଟୁରିଜିମ କନକ୍ଲେଭରେ ମୁଖ୍ୟ ଅତିଥିଭାବେ ଯୋଗଦେଇ ରାଜ୍ୟପାଳ ପ୍ରଫେସର ଗଣେଶି ଲାଲ ପ୍ରକାଶ କରିଛନ୍ତି।
ଏହି ଅବସରରେ ଅନ୍ୟତମ ଅତିଥିଭାବେ ଯୋଗଦେଇ ରାଜ୍ୟ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଏହି କ୍ଷେତ୍ର ସହ ଜଡିତ ଅନୁଷ୍ଠାନ ଓ ବ୍ୟକ୍ତିବିଶେଷଙ୍କ ଠାରୁ ମତାମତ ଗ୍ରହଣ କରିଛନ୍ତି। ଯାହାକୁ ରାଜ୍ୟସରକାରଙ୍କ ପକ୍ଷରୁ ପ୍ରସ୍ତୁତ ହେବାକୁ ଥିବା 2020 ପର୍ଯ୍ୟଟନ ପଲିସିରେ ଅନ୍ତର୍ଭୁକ୍ତ କରାଯିବ ବୋଲି ସେ କହିଛନ୍ତି।
ସେହିପରି ଅନୁଷ୍ଠାନର ଅଧକ୍ଷ ଜେକେ ମହାନ୍ତି ରାଜ୍ୟ ପର୍ଯ୍ୟଟନର ବିକାଶ କରିବା ପାଇଁ ସ୍ବତନ୍ତ୍ର ଆର୍ଥିକ ପ୍ୟାକେଜ ଘୋଷଣା କରିବାକୁ ସରକାରଙ୍କ ନିକଟରେ ଦାବି କରିଛନ୍ତି। ଆଜିର ଏହି ଉତ୍ସବରେ ଅନ୍ୟମାନଙ୍କ ମଧ୍ୟରେ ପର୍ଯ୍ୟଟନ ସଚିବ ବିଶାଳ ଦେବ ଓ ଅନ୍ୟ ଅତିଥିମାନେ ଯୋଗଦେଇ ଦେଶ ତଥା ରାଜ୍ୟର ପର୍ଯ୍ୟଟନ ଭିତ୍ତିଭୂମି ବିଷୟରେ ଆଲୋକପାତ କରିଛନ୍ତିତ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ,ଇଟିଭି ଭାରତ
