ଭୁବନେଶ୍ବର: ଅର୍ବାନ ଗଭର୍ଣ୍ଣାନ୍ସ ଇଣ୍ଡେକ୍ସ-2020ରେ ଓଡିଶା ଏକ ନମ୍ବର ସ୍ଥାନରେ ରହିଛି। 28ଟି ରାଜ୍ୟର 40ଟି ସହରରେ ହୋଇଥିବା ସର୍ଭେରେ ଓଡିଶା ସବୁଠୁ ଆଗରେ ରହିଛି । ପ୍ରଜା ଫାଉଣ୍ଡେସନ ପକ୍ଷରୁ ହୋଇଥିବା ସର୍ଭେରେ ଓଡିଶା 100ରୁ 56.86 ପ୍ରତିଶତ ମାର୍କ ପାଇ ଶୀର୍ଷ ସ୍ଥାନରେ ରହିଛି ।
ସେହିପରି ମହାରାଷ୍ଟ୍ର ଦ୍ବିତୀୟ ଓ ଛତିଶଗଡ ତୃତୀୟ ସ୍ଥାନରେ ରହିଛି । 55.15 ମାର୍କ ସହ ମହାରାଷ୍ଟ୍ର ଦ୍ବିତୀୟ ଓ 55.15 ମାର୍କ ସହ ଛତିଶଗଡ ତୃତୀୟ ସ୍ଥାନରେ ରହିଛି । 3 ବର୍ଷ ଧରି ଏହି ସର୍ଭେ ଅନୁଷ୍ଠିତ ହୋଇଥିବାବେଳେ ଓଡ଼ିଶା ଶୀର୍ଷରେ ରହିଛି ।
ଆଞ୍ଚଳିକ ଅର୍ବାନ ପ୍ଲାନିଂ, ସଡକ ଓ ରାସ୍ତାଘାଟ, ଲ୍ୟାଣ୍ଡ ରେଗୁଲେସନ, ଅର୍ଥନୈତିକ ଓ ସାମାଜିକ ଅଭିବୃଦ୍ଧି, ପାନୀୟ ଜଳ ବ୍ୟବସ୍ଥା, ଅଗ୍ନିଶମ ବ୍ୟବସ୍ଥା, ସହରାଞ୍ଚଳ ବନୀକରଣ ଭଳି ବିଭିନ୍ନ ପାରାମିଟରର ସର୍ଭେ କରାଯାଇଥିଲା ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
