ଭୁବନେଶ୍ବର: ବିଜେଡି ଶାସିତ ଓଡିଶା ସରକାରଙ୍କ ଯୋଜନା ହେଉଛି Biju Swasthya Kalyan Yojana (BSKY) । ବିଜେପି ନେତୃତ୍ବାଧିନ କେନ୍ଦ୍ର ସରକାରଙ୍କ ଯୋଜନା ହେଉଛି ‘ଆୟୁଷ୍ମାନ ଭାରତ’ । ତେବେ କେଉଁ ଯୋଜନାଟି ଓଡିଶାବାସୀଙ୍କ ଲାଗି ଲାଭଦାୟକ ଓ ଜୁରୁରୀ ? ବିଜୁ ସ୍ବାସ୍ଥ୍ୟ କଲ୍ୟାଣ ନା ଆୟୁଷ୍ମାନ ଭାରତ ? ଏହାକୁ ନେଇ ପୂର୍ବରୁ ଅନେକ ଥର ବିଜେପି ଓ ବିଜେଡି ରାଜ୍ୟରେ ମୁହାଁମୁହିଁ ହୋଇଛନ୍ତି । ଉଭୟ ଦଳ ନିଜ ନିଜ ସରକାରଙ୍କ ଯୋଜନାକୁ ଠିକ ଓ ଲୋକଙ୍କ ସ୍ବାସ୍ଥ୍ୟ ପାଇଁ ଉଦ୍ଦିଷ୍ଟ ବୋଲି ଯୁକ୍ତି ବାଢିଛନ୍ତି । କିନ୍ତୁ ବର୍ତ୍ତମାନ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଆଜି (ଶୁକ୍ରବାର) ଠାରୁ ନୂଆ ରୂପରେ ରାଜ୍ୟ ସରକାର ଶୁଭାରମ୍ଭ କରିବା ପୂର୍ବରୁ ବିଜେଡି ବିଜେପି ମଧ୍ୟରେ ଆରମ୍ଭ ହୋଇଛି ଟ୍ବିଟର ୱାର ।
ଆଉ ଏହି ଲଢେଇରେ ରାଜ୍ୟ ବିଜେପିର ନେତୃତ୍ବ ଖୋଦ ଧର୍ମେନ୍ଦ୍ର ପ୍ରଧାନ ନେଉଥିବା ବେଳେ, ବିଜେଡିରୁ ମଙ୍ଗ ଧରିଛନ୍ତି ଦଳର ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ । ଘଟଣା ଏମିତି । ଗତକାଲି(ଗୁରୁବାର) ଦଳୀୟ କାର୍ଯ୍ୟକ୍ରମ ଜନ ଆର୍ଶିବାଦ ଯାତ୍ରାରେ ସାମିଲ ହୋଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରାଜ୍ୟରେ ଆୟୁଷ୍ମାନ ଯୋଜନା ଲାଗୁ କରିବାକୁ ପୁଣି ଥରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅନୁରୋଧ କରିଥିଲେ । ଟ୍ବିଟ କରି ଧର୍ମେନ୍ଦ୍ର କହିଥିଲେ ଓଡିଶାର ଲୋକମାନେ ବିଶେଷ ଭାବରେ ପ୍ରବାସୀ ଓଡିଆ ମାନେ ସ୍ବାସ୍ଥ୍ୟଗତ ସମସ୍ୟା କାରଣରୁ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି । ରାଜ୍ୟରେ ଆୟୁଷ୍ମାନ ଭାରତକୁ ତୁରନ୍ତ ଲାଗୁ କରିବା ପାଇଁ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରେ ନିବେଦନ କରୁଛି ବୋଲି ଧର୍ମେନ୍ଦ୍ର ଲେଖିଥିଲେ ।
ଏହାସହ ରାଜ୍ୟରେ ଆୟୁଷ୍ମାନ ଯୋଜନା ଲାଗୁ ହେଲେ ରାଜ୍ୟର ଗରିବ ଲୋକଙ୍କ ସମେତ ଗୁଜୁରାଟ, ପଶ୍ଚିମବଙ୍ଗ, କର୍ଣ୍ଣାଟକ, ଆନ୍ଧ୍ରପ୍ରଦେଶ ଭଳି ରାଜ୍ୟରେ କାମ କରୁଥିବା ପ୍ରବାସୀ ଓଡିଆ ମାନେ ବିଶେଷ ଭାବରେ ଉପକୃତ ହୋଇପାରିବେ ବୋଲି ଧର୍ମେନ୍ଦ୍ର କହିଥିଲେ । ତେଣୁ ଓଡିଶା ଲୋକଙ୍କ ଦାୟିତ୍ବ ନେଇ ମୁଖ୍ୟମନ୍ତ୍ରୀ ତୁରନ୍ତ ଏହି ସ୍ବାସ୍ଥ୍ୟ ଯୋଜନାକୁ ରାଜ୍ୟରେ ଲାଗୁ କରିବା ପାଇଁ ଅନୁରୋଧ କରିଥିଲେ ।
ତେବେ ଏହି ପ୍ରସଙ୍ଗକୁ ନେଇ ଧର୍ମେନ୍ଦ୍ରଙ୍କୁ କଡା ଜବାବ ଦେଇଛନ୍ତି ବିଜୁ ଜନତା ଦଳର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ପ୍ରଣବ ଟ୍ବିଟ ଯୋଗେ କହିଛନ୍ତି ଭାଇ ଧର୍ମେନ୍ଦ୍ର ପ୍ରଧାନ ଆୟୁଷ୍ମାନ ଭାରତ ନେବେ କି? ଆୟୁଷ୍ମାନ ଭାରତର ହିତାଧିକାରୀ ସଂଖ୍ୟା ୬୦ ଲକ୍ଷରେ ସୀମିତ । କିନ୍ତୁ ‘ବିଜୁ ସ୍ବାସ୍ଥ୍ୟ କଲ୍ୟାଣ ସ୍ମାର୍ଟ ହେଲଥ କାର୍ଡ’ ଯୋଜନା (BSKY) ର ହିତାଧିକାରୀ ସଂଖ୍ୟା 96 ଲକ୍ଷ ପରିବାର । ଯାହା ପ୍ରାୟ ଶତ ପ୍ରତିଶତ । ଆୟୁଷ୍ମାନ ଭାରତର କଭରେଜ ସରକାରୀ ହସ୍ପିଟାଲ ସମେତ ଘରୋଇ ହସ୍ପିଟାଲରେ ମାତ୍ର ୫ ଲକ୍ଷ । କିନ୍ତୁ ବିଏସକେୱାଇ(BSKY) ଯୋଜନାରେ ସରକାରୀ ହସ୍ପିଟାଲରେ କୌଣସି ସୀମା ନାହିଁ । ଆୟୁଷ୍ମାନ ଭାରତ ଯୋଜନାରେ ନିର୍ଦ୍ଦିଷ୍ଟଭାବେ ମା' (ମହିଳା) ମାନଙ୍କ ପାଇଁ ଶୂନ୍ୟ ସୁବିଧା ରହିଛି । ତଥା କୌଣସି ସ୍ବତନ୍ତ୍ର ବ୍ୟବସ୍ଥା ନାହିଁ । କିନ୍ତୁ BSKYରେ ସ୍ବତନ୍ତ୍ର ଭାବେ ୧୦ ଲକ୍ଷ ପର୍ଯ୍ୟନ୍ତ ବ୍ୟବସ୍ଥା ରହିଛି । ଆୟୁଷ୍ମାନରେ ଆପୋଲୋ, ଫର୍ଟିଜ ଭଳି ହସ୍ପିଟାଲ ଅନ୍ତର୍ଭୁକ୍ତ ନାହାଁନ୍ତି । କିନ୍ତୁ BSKY ରେ ଆପୋଲୋ, ଫର୍ଟିଜ ସହ ପ୍ରାୟ ସମସ୍ତ ବଡ ବଡ ହସ୍ପିଟାଲ ଅନ୍ତର୍ଭୁକ୍ତ ହୋଇଛନ୍ତି । ଆୟୁଷ୍ମାନ ଭାରତ ହେଉଛି ଏକ ଇନ୍ସୁରାନ୍ସ କିନ୍ତୁ BSKY ହେଉଛି ଏସୁରାନ୍ସ । ସମ୍ପୂର୍ଣ୍ଣ ସ୍ବାସ୍ଥ୍ୟ ସେବାର ଭରସା ।
ସେହିପରି ଧର୍ମେନ୍ଦ୍ରଙ୍କୁ କଟାକ୍ଷ କରି ପ୍ରଣବ କହିଛନ୍ତି, ଓଡିଶା ସରକାର ମମତା ଯୋଜନା କଲେ, ଆପଣ(କେନ୍ଦ୍ର) ମଧ୍ୟ କଲା । ରାଜ୍ୟ ସରକାର କାଳିଆ ଯୋଜନା କଲା ଅନୁରୂପ ଯୋଜନ କଲା । ଏବେ ଆମେ (ରାଜ୍ୟ ସରକାର) BSKY କରୁଛୁ, କେନ୍ଦ୍ର ଏହାକୁ ସୁନିଶ୍ଚିତ ଆପଣେଇବ ବୋଲି ପ୍ରଣବ କହିଛନ୍ତି ।
ତେବେ ଏତିକିରେ ଅଟକି ଯାଇନାହିଁ ଧର୍ମେନ୍ଦ୍ର ଓ ପ୍ରଣବଙ୍କ ମଧ୍ୟରେ ଟ୍ବିଟର ୱାର । ଏହି ଲଢେଇରେ ଲମ୍ଫ ମାରିଛନ୍ତି କଳାହାଣ୍ଡି ସାଂସଦ ବସନ୍ତ ପଣ୍ଡା । ବସନ୍ତ ପ୍ରଣବଙ୍କୁ ଟ୍ବିଟ ଯୋଗେ ଜବାବ ଦେଇ କହିଛନ୍ତି ବିଜୁ ସ୍ଵାସ୍ଥ୍ୟ କଲ୍ୟାଣ ଅନ୍ୟ ଯୋଜନା ପରି ରାଜ୍ୟବାସୀଙ୍କୁ ଆଉ ଏକ ଛଳନା ମାତ୍ର । ୩ ବର୍ଷ ପୂର୍ବେ ସମାନ ଯୋଜନା ସମାନ ରୂପରେ ଆରମ୍ଭ ହୋଇ ଲୋକଙ୍କ ଦ୍ଵାରା ପ୍ରତ୍ୟାଖ୍ୟାତ ହୋଇଥିଲା । ଏସୁରାନ୍ସ ନାମରେ ପୁଣି ଲୋକଙ୍କୁ ଭଣ୍ଡାଇବାର ଆଉ ଏକ ନିଷ୍ଫଳ ପ୍ରୟାସ । ଆୟୁଷ୍ମାନ ଯୋଜନାରେ ସ୍ଵାସ୍ଥ୍ୟ ସେବା ପାଇବା ଗରିବ ଲୋକର ହକ ଏବଂ ଅଧିକାର । ଦେଶର ୬୫ କୋଟିରୁ ଉର୍ଦ୍ଧ୍ବ ଲୋକ ତଥା ପାଖାପାଖି ୧୩. ୪୪ କୋଟି ପରିବାର ଲାଭାନ୍ଵିତ ହୋଇ ସାରିଲେଣି । ସେହି ସମୟରେ ବିଜୁ ସ୍ଵାସ୍ଥ୍ୟ କଲ୍ୟାଣ ଯୋଜନା ରାଜ୍ୟ ସରକାରଙ୍କ କେବଳ ଆଶ୍ବାସନା ଯାହା କେବେ ବିଜେଡି ସରକାର ପାଳନ କରେନାହିଁ ।
-
ବିଜୁ ସ୍ଵାସ୍ଥ୍ୟ କଲ୍ୟାଣ @CMO_Odisha ଙ୍କ ଅନ୍ୟ ଯୋଜନା ପରି ରାଜ୍ୟବାସୀଙ୍କୁ ଆଉ ଏକ ଛଳନା ମାତ୍ର । ୩ ବର୍ଷ ପୂର୍ବେ ସମାନ ଯୋଜନା ସମାନ ରୂପରେ ଆରମ୍ଭ ହୋଇ ଲୋକଙ୍କ ଦ୍ଵାରା ପ୍ରତ୍ୟାଖ୍ୟାତ ହୋଇଥିଲା । ଆସ୍ୟୁରାନ୍ସ ନାମରେ ପୁଣି ଲୋକଙ୍କୁ ଭଣ୍ଡାଇବାର ଆଉ ଏକ ନିଷ୍ଫଳ ପ୍ରୟାସ ।
— Basanta Kumar Panda (@basantpandabjp) August 20, 2021 " class="align-text-top noRightClick twitterSection" data="
">ବିଜୁ ସ୍ଵାସ୍ଥ୍ୟ କଲ୍ୟାଣ @CMO_Odisha ଙ୍କ ଅନ୍ୟ ଯୋଜନା ପରି ରାଜ୍ୟବାସୀଙ୍କୁ ଆଉ ଏକ ଛଳନା ମାତ୍ର । ୩ ବର୍ଷ ପୂର୍ବେ ସମାନ ଯୋଜନା ସମାନ ରୂପରେ ଆରମ୍ଭ ହୋଇ ଲୋକଙ୍କ ଦ୍ଵାରା ପ୍ରତ୍ୟାଖ୍ୟାତ ହୋଇଥିଲା । ଆସ୍ୟୁରାନ୍ସ ନାମରେ ପୁଣି ଲୋକଙ୍କୁ ଭଣ୍ଡାଇବାର ଆଉ ଏକ ନିଷ୍ଫଳ ପ୍ରୟାସ ।
— Basanta Kumar Panda (@basantpandabjp) August 20, 2021ବିଜୁ ସ୍ଵାସ୍ଥ୍ୟ କଲ୍ୟାଣ @CMO_Odisha ଙ୍କ ଅନ୍ୟ ଯୋଜନା ପରି ରାଜ୍ୟବାସୀଙ୍କୁ ଆଉ ଏକ ଛଳନା ମାତ୍ର । ୩ ବର୍ଷ ପୂର୍ବେ ସମାନ ଯୋଜନା ସମାନ ରୂପରେ ଆରମ୍ଭ ହୋଇ ଲୋକଙ୍କ ଦ୍ଵାରା ପ୍ରତ୍ୟାଖ୍ୟାତ ହୋଇଥିଲା । ଆସ୍ୟୁରାନ୍ସ ନାମରେ ପୁଣି ଲୋକଙ୍କୁ ଭଣ୍ଡାଇବାର ଆଉ ଏକ ନିଷ୍ଫଳ ପ୍ରୟାସ ।
— Basanta Kumar Panda (@basantpandabjp) August 20, 2021
ସେହିପରି ପ୍ରଣବଙ୍କୁ ଟାର୍ଗେଟ କରି କହିଛନ୍ତି ତଥ୍ୟ ନ ଜାଣି ବିଧାୟକ ପ୍ରଣବ ପିଏମ ଆୟୁଷ୍ମାନ ଯୋଜନାର ସୁବିଧା କେବଳ ସରକାରୀ ହସ୍ପିଟାଲ ପାଇଁ ହୋଇଥିବା ଯେଉଁ ଅଭିଯୋଗ କରଛନ୍ତି ଭିତ୍ତିହୀନ । ଉଭୟ ସରକାରୀ ଏବଂ ବେସରକାରୀ ହସ୍ପିଟାଲରେ ଗରିବ ଲୋକମାନେ ଏହି ସ୍ବାସ୍ଥ୍ୟ ସେବା ପାଉଛନ୍ତି । ଦେଶର ପ୍ରମୁଖ 23 ହଜାର ହସ୍ପିଟାଲରେ ଗରିବ ଲୋକମାନେ ଉପକୃତ ହେଉଛନ୍ତି । ଏପରି ଅନ୍ୟ ବିଜେପି ନେତା ମାନେ ମଧ୍ୟ ବିଜେଡିକୁ ଟାର୍ଗେଟ କରିବାରେ ଲାଗିଛନ୍ତି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
