ଭୁବନେଶ୍ବର: ଟିଉସନ ଯାଇ ଆଉ ଘରକୁ ଫେରିଲେନି ଦୁଇ ଛାତ୍ରୀ । ଚାହୁଁ ଚାହୁଁ ବିତିଗଲାଣି ଦୁଇ ଦିନ । ଟିଉସନ ସାରଙ୍କୁ ଯୋଗାଯୋଗ କରିବା ପରେ ବି ଏଯାଏଁ କୌଣସି ଖୋଜ୍ ଖବର ମିଳିନାହିଁ । ଏନେଇ ପରିବାର ଲୋକ ଥାନାର ଦ୍ବାରସ୍ଥ ହୋଇଛନ୍ତି । ଏଭଳି ଚାଞ୍ଚଲ୍ୟକର ଘଟଣା ଘଟିଛି ଭୁବନେଶ୍ବର ବଡଗଡ ଅଞ୍ଚଳରେ ।
ଦୁଇ ଛାତ୍ରୀଙ୍କୁ ନେଇ ଟିଉସନ ସାର ଫେରାର ହୋଇଯାଇଥିବା ଥାନାରେ ଅଭିଯୋଗ ହୋଇଛି । ଏନେଇ ବଡଗଡ ଥାନାରେ ଅଭିଯୋଗ କରିଛନ୍ତି ଛାତ୍ରୀଙ୍କ ପରିବାର ।
ଦୁଇ ଛାତ୍ରୀଙ୍କ ମଧ୍ୟରୁ ଜଣେ ଦଶମ ଶ୍ରେଣୀର ଆଉ ଜଣେ ଅଷ୍ଟମ ଶ୍ରେଣୀର ବୋଲି ସୂଚନା ମିଳିଛି । ନାବାଳିକା ଥିବାରୁ ଅଭିଯୋଗ ପରେ ପୋଲିସ ତଦନ୍ତ ଜାରି ରଖିଛି।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
