ଭୁବନେଶ୍ବର: ରାଜଧାନୀରେ ଗଞ୍ଜେଇ ଚାଲାଣକାରୀଙ୍କ ନୂଆ ଟ୍ରିକ୍ । ଅନଲାଇନରେ ଟ୍ୟାକ୍ସି ବୁକିଂ କରି ଗଞ୍ଜେଇ ଚାଲାଣ କରୁଥିଲେ ଚାଲାଣକାରୀ । ସୂଚନା ପାଇ ନୟାପଲ୍ଲୀ ଥାନା ଅଞ୍ଚଳରୁ ଗାଡିକୁ ଜବତ କରିଛି ଏସଟିଏଫ(STF) । ଗାଡି ମଧ୍ୟରୁ 40 କେଜି ଗଞ୍ଜେଇ ଜବତ କରାଯାଇଛି । ଯାହାର ଆନୁମାନିକ ମୂଲ୍ୟ ପ୍ରାୟ 4 ଲକ୍ଷ ଟଙ୍କା ହେବ ବୋଲି କୁହାଯାଇଛି । ଘଟଣାରେ ଦୁଇ ଅଭିଯୁକ୍ତ ଗିରଫ ହୋଇଛନ୍ତି ।
ସୂଚନାଯୋଗ୍ୟ, ଟ୍ୟାକ୍ସି ଯୋଗେ ଗଞ୍ଜେଇ ଚାଲାଣ ହେଉଥିବା ନେଇ ଏସଟିଏଫକୁ କୌଣସି ସୂତ୍ରରୁ ସୂଚନା ମିଳିଥିଲା । ଏହାପରେ ଟିମ୍ ଉକ୍ତ ଗାଡିର ପିଛା କରିଥିଲେ । ଶେଷରେ ନୟାପଲ୍ଲୀ ଥାନା ଅଞ୍ଚଳରେ ଗାଡିଟିକୁ ଧରିବାରେ ସକ୍ଷମ ହୋଇଥିଲା ଏସଟିଏଫ । ଜବତ କାର୍ଟି ଏକ ଅନଲାଇନ ଟ୍ୟାକ୍ସି କମ୍ପାନୀର ହୋଇଥିବାବେଳେ ଏ ଦିଗରେ ଅଧିକ ଖୋଳତାଡ କରୁଛି ପୋଲିସ । ସାଧାରଣ ଯାତ୍ରା ଭଳି ଟ୍ୟାକ୍ସି ଯୋଗେ ଏଭଳି ଗଞ୍ଜେଇ ଚାଲାଣ କରାଯିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
