ଭୁବନେଶ୍ବର: ଲକଡାଉନ ସମୟରେ ରାଜଧାନୀରେ ମଦର ଚୋରା ବିକ୍ରି । ତାହା ପୁଣି ଦୁଇଗୁଣା ଦରରେ ହୋମ ଡେଲିଭେରି । ଏଭଳି ଚୋରା ମଦ ବିକ୍ରି ବେଳେ ଧରାପଡିଛନ୍ତି ୨ ବ୍ଯବସାୟୀ। ସେମାନେ ହେଲେ ସୁକଦେବ ଗୌଡା, ଦୀପକ ବାରିକ । ୫୨ଏ ଓଡିଶା ଏକ୍ସସାଇଜ ଆକ୍ଟ ଏବଂ ଧାରା ୨୬୯/୨୭୦ ଗିରଫ କରି କୋର୍ଟ ଚାଲାଣ କରିଛି କମିସନରେଟ ପୋଲିସ ।
ସୂଚନା ମୁତାବକ ୟୁପିଆଇ ପେମେଣ୍ଟ ଜରିଆରେ ଆଡଭାନ୍ସ ନେଇ ଦୁଇଗୁଣା ଦରରେ ଏହି 2 ଜଣ ମଦ ବିକ୍ରି କରୁଥିଲେ । ଏପରିକି ଘରେ ନେଇ ପହଞ୍ଚାଇଲେ ଅଧିକ ଚାର୍ଜ ବି ଆଦାୟ କରୁଥିଲେ । ଏପରି ଭାବେ ଅଭ୍ଯସ୍ତ ନିଶା ନେଉଥିବା ଲୋକଙ୍କ ଡିମାଣ୍ଡ ଦେଖି ମାଲମାଲ ହେଉଥିଲେ 2 ବ୍ଯବସାୟୀ ।
ସବୁଜାଣି ବି କ୍ଯାପିଟାଲ ଥାନା ପୋଲିସ ଧରୁନଥିବା ଅଭିଯୋଗ ହୋଇଥିଲା । ଶେଷରେ ଏ ନେଇ ସୁରାକ ପାଇ ପିଛା କରିଥିଲା କୁଇକ ଆକ୍ସନ ଟିମ । ପରେ କ୍ଯାପିଟାଲ ପୋଲିସର ମିଳିତ ଚଢାଉ ବେଳେ ୪୮ ବୋତଲ ବିୟର, ୨ ବଟଲ ହ୍ବିଷ୍କି ସହ ୫୦୭୦ଟଙ୍କା ଓ ଡେଲିଭେରି କରାଯାଉଥିବା ଦୁଇଟି ଗାଡିକୁ ଜବତ କରିଛି କମିସନରେଟ ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
