ଭୁବନେଶ୍ବର: କିରୋସିନ କଳାବଜାରର ଖୋଲୁଛି ରହସ୍ଯ । ଗୋଟିଏ ପରେ ଗୋଟିଏ କିରୋସିନ ତସ୍କରଙ୍କ ଖୁଲାସା କରୁଛି ଏସଟିଏଫ ଟିମ । ଯାହାର କ୍ରମରେ କଟକ ଗୁରୁଡିଝାଟିଆରେ ଚଢାଉବେଳେ ବିପୁଳ ପରିମାଣର କିରୋସିନ ଜବତ ହୋଇଛି । ୨୧ ହଜାର ଲିଟର କିରୋସିନ ବୋଝେଇ ଦୁଇଟି ଟ୍ଯାଙ୍କର ଜବତ କରିଛି ଏସଟିଏଫ ଟିମ ।
ଏହାସହ ଇଲେକ୍ଟ୍ରି୍କ ମଟର ସହ ୫ଟି ବ୍ଯାରେଲ, ପାଇପ ଜବତ କରିଛି ଟିମ । ଏହି ଘଟଣାରେ ସମ୍ପୃକ୍ତ ୩ ଅଭିଯୁକ୍ତ ଗୁରୁଡିଝାଟିଆର ଗୋକୁଳାନନ୍ଦ ପାଲ, ଗଞ୍ଜାମର ରାଧେଶ୍ଯାମ ବାରିକ, ଜିତେନ୍ଦ୍ର ରାଉତକୁ ଗିରଫ କରାଯାଇଛି । ତେବେ ଏହା ପଛର ମାଷ୍ଟର ମାଇଣ୍ଡ ଖିରୋଦ ଚନ୍ଦ୍ର ପାତ୍ର ଫେରାର ହୋଇଛି । କିରୋସିନ କଳାବଜାରି ନେଇ ଅନେକ ଅଭିଯୋଗ ଆସୁଥିବାବେଳେ ଯାହାକୁ ରୋକିବା ନେଇ ନୂଆ ଷ୍ଟ୍ରାଟେଜି ଆପଣେଇଛି ଏସଟିଏଫ ଟିମ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
