ଭୁବନେଶ୍ବର: ସରକାରୀ ଅଧିକାରୀ ମାନେ ବୁକ ସରକୁଲାରକୁ ମାନୁନାହାଁନ୍ତି । ଏନେଇ ଆଜି ବିଧାନସଭାର ସଦାଚାର ଷ୍ଟାଣ୍ଡିଙ୍ଗ କମିଟିରେ ଉଦବେଗ ପ୍ରକାଶ ପାଇଥିଲା । ନୂଆ କରି ଆସୁଥିବା ଅଧିକାରୀ ମାନଙ୍କୁ ବୁକ ସରକୁଳାର 47 ବିଷୟରେ ଅବଗତ କରେଇବା ପାଇଁ ଏକ ପ୍ରଶିକ୍ଷଣ ଶିବିର କରାଯିବ । ଏହି ଶିବିରରେ ସରକାରୀ ଅଧିକାରୀ ମାନଙ୍କର ନିର୍ବାଚିତ ପ୍ରତିନିଧି ମାନଙ୍କ ପ୍ରତି କଣ ଆଚରଣ ରହିବ ସେ ବିଷୟରେ ଉଲ୍ଲେଖ କରାଯିବ ।
ଅନେକ ସମୟରେ ସରକାରୀ ଅଧିକାରୀ ମାନେ ନିର୍ବାଚିତ ପ୍ରତିନିଧି ମାନଙ୍କୁ ଦୁର୍ବ୍ୟବହାର କରୁଥିବାର ନଜିର ରହିଛି। ଏପରିକି ଲୋକ ପ୍ରତିନିଧି ମାନଙ୍କୁ ଉଚିତ ସମ୍ମାନ ଦେଉନାହାନ୍ତି। ଏନେଇ ଅନେକ ସମୟରେ ବିଧାନସଭାରେ ମଧ୍ୟ ପ୍ରଶ୍ନ ଉଠିଛି । କିଛି ଦିନ ପୂର୍ବରୁ ଦେବଗଡରେ ବିଧାୟକ ସୁବାଷ ପାଣିଗ୍ରାହୀଙ୍କ ସହ ସ୍ଥାନୀୟ ବ୍ଲକ ଉନ୍ନୟନ ଅଧିକାରୀ ଙ୍କ ସହ ବଚସାକୁ ନେଇ ବଡ ବିବାଦ ସୃଷ୍ଟି ହୋଇଥିଲା ।
ତେବେ ମଙ୍ଗଳବାର ସଦାଚାର କମିଟି ମୁଖ୍ୟ ତଥା ବିଧାୟକ ଅମର ପ୍ରସାଦ ଶତପଥୀ କହିଛନ୍ତି ଆଗକୁ ଯେମିତି ଏଭଳି ଘଟଣା ନଘଟିବ ସେ ନେଇ ସମସ୍ତଙ୍କୁ ଅବଗତ କରାଯିବ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
