ଭୁବନେଶ୍ବର: ଓଡ଼ିଶା ଅଗ୍ନିଶମ ବିଭାଗ ଏବଂ କମିଶନରେଟ ପୋଲିସର ମିଳିତ ଉଦ୍ୟମରେ ଭୁବନେଶ୍ବରସ୍ଥିତ ଫାୟାର ଷ୍ଟେସନ ପ୍ରାଙ୍ଗଣରେ ଏକ ପ୍ରଶିକ୍ଷଣ ଶିବିର ଆୟୋଜିତ ହୋଇଛି । ଏହି ଶିବିରରେ ପୋଲିସ ମିତ୍ରଙ୍କୁ ବସ୍ତିରେ ନିଆଁ ଲାଗିବା ପରେ ଏହାକୁ ଲିଭାଇବାର ପ୍ରାକ୍ଟିକାଲ ଟ୍ରେନିଂ ଦିଆଯାଇଛି ।
ପ୍ରଶିକ୍ଷଣ ଶିବିରରେ ବସ୍ତି ନିଆଁ ଲିଭା କୌଶଳ ଶିଖିଲେ ପୋଲିସ ମିତ୍ର
ଏଥିରେ ଅଗ୍ନିଶମ ବିଭାଗର ଡିଜି ଏବଂ ଅନେକ ବରିଷ୍ଠ ଅଧିକାରୀ ମାନେ ଯୋଗ ଦେଇଥିଲେ । ଅଗ୍ନିଶମ ବିଭାଗର ପ୍ରଶିକ୍ଷକମାନେ ପୋଲିସ କର୍ମଚାରୀଙ୍କୁ ପ୍ରଶିକ୍ଷଣ ଦେଇଥିଲେ । ଯେଉଁ ପୋଲିସ ମିତ୍ରମାନେ ଉପସ୍ଥିତ ଥିଲେ ସେମାନେ ପ୍ରଶିକ୍ଷଣ ନେବା ପରେ ଏହି କୌଶଳକୁ ପ୍ରୟୋଗ କରି ବସ୍ତିରେ ଲୋକଙ୍କ ଧନ ଜୀବନ ବଞ୍ଚାଇବେ ବୋଲି କହିଛନ୍ତି । ବସ୍ତିକୁ ଚାଲ ଅଭିଯାନ ମାଧ୍ୟମରେ ଏହି ଟ୍ରେନିଂ ଦିଆଯାଇଛି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
