ଭୁବନେଶ୍ବର: ଆସନ୍ତାକାଲି(ଗୁରୁବାର) ସରିବ ଗଣତନ୍ତ୍ରର ମହାନ ପର୍ବ । ଶେଷ ହେବ ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଅନ୍ତିମ ତଥା ପଞ୍ଚମ ପର୍ଯ୍ୟାୟ ମତଦାନ ପ୍ରକ୍ରିୟା । ବାକିଥିବା ମୋଟ 25 ଜିଲ୍ଲାରେ 131 ଜିଲ୍ଲା ପରିଷଦ ଜୋନ ପାଇଁ ପଡିବ ଭୋଟ ।
ଆସନ୍ତାକାଲି 131 ଜିଲ୍ଲା ପରିଷଦ ଜୋନ୍ରେ 520 ପ୍ରାର୍ଥୀ ପ୍ରତିଦ୍ବନ୍ଦିତା କରୁଛନ୍ତି । 13514 ବୁଥରୁ 2027ଟି ବୁଥ ସମ୍ବେଦନଶୀଳ ରହିଛି । ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । 5 ଜିଲ୍ଲାରେ ନିର୍ବାଚନ ଶେଷ ହୋଇଥିବାରୁ ସେଠାରେ ନିୟୋଜିତ ହୋଇଥିବା ପୋଲିସ ବାହିନୀକୁ ଏହି 25 ଜିଲ୍ଲାରେ ଅତିରିକ୍ତ ଭାବେ ନିୟୋଜିତ କରାଯାଇଛି ।
ସେପଟେ ଆଜି(ବୁଧବାର) 10 ଜିଲ୍ଲାର 49ଟି ସ୍ଥାନରେ ରି-ପୁଲିଂ ହେଉଛି । ଖବର ଲେଖା ହେବା ସୁଦ୍ଧା ସବୁଠି ଶାନ୍ତିଶୃଙ୍ଖଳାର ସହ ନିର୍ବାଚନ ଚାଲିଥିଲା । ପୌର ନିର୍ବାଚନ ପାଇଁ ଆଜି ରାଜ୍ୟ ସରକାର ବିଜ୍ଞପ୍ତି ପ୍ରକାଶ କରିଛନ୍ତି । ଆସନ୍ତାକାଲି ଚୂଡାନ୍ତ ଭୋଟର ତାଲିକା ପ୍ରକାଶ ପାଇବ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
