ଭୁବନେଶ୍ବର: ଆଜି ପବିତ୍ର ଶ୍ରୀକୃଷ୍ଣ ଜନ୍ମାଷ୍ଟମୀ । ଧରାପୃଷ୍ଠରେ ବାଲ ଗୋପାଲଙ୍କୁ ସ୍ବାଗତ କରିବାକୁ ସାରା ଦେଶରେ ଉତ୍ସବର ମାହୋଲ । ଜନ୍ମାଷ୍ଟମୀ ପାଇଁ ରାଜଧାନୀ ଭୁବନେଶ୍ବରରେ ବି ଚଳଚଞ୍ଚଳ ହୋଇ ଉଠିଛି ।
ଭିଡିଓ ସୌଜନ୍ୟ:ପ୍ରତିନିଧି, ଭୁବନେଶ୍ବର
ଏଥିପାଇଁ ଭୁବନେଶ୍ବରସ୍ଥିତ ରାମ ମନ୍ଦିରରେ ଭକ୍ତଙ୍କ ବେଶ ଭିଡ଼ ଲାଗିଛି । ପୌରାଣିକ କଥାବସ୍ତୁ ଅନୁସାରେ, ଦ୍ବାପର ଯୁଗରେ ପ୍ରବଳ ପ୍ରତାପୀ କଂସକୁ ବଧ କରିବା ନିମନ୍ତେ ମାନବ ରୂପରେ ଧରାବତରଣ କରିଥିଲେ ଭଗବାନ ଶ୍ରୀକୃଷ୍ଣ ।
ଭାଦ୍ରବ ମାସ କୃଷ୍ଣପକ୍ଷ ଅଷ୍ଟମୀ ତିଥିରେ ଧରାବତରଣ କରିଥିଲେ ଭଗବାନ ଶ୍ରୀକୃଷ୍ଣ । ସକାଳର ମଙ୍ଗଳ ଆଳତୀ ପରେ ଭକ୍ତଙ୍କ ପାଇଁ ମନ୍ଦିର ଖୋଲାଥିବା ବେଳେ ଦିନ ଗୋଟିଏରୁ ଦିନ 3 ଟା ପର୍ଯ୍ୟନ୍ତ ବନ୍ଦ ରହିବ । ଅନ୍ୟପଟେ ଆଜି ମଧ୍ୟରାତ୍ରୀରେ ଭଗବାନ ଶ୍ରୀ କୃଷ୍ଣଙ୍କ ଜନ୍ମ ହେବ ବୋଲି ପୂଜକ କହିଛନ୍ତି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
