ଭୁବନେଶ୍ବର: ଆସନ୍ତା 2 ତାରିଖରେ ଓଡିଶାଗସ୍ତରେ ଆସୁଛନ୍ତି ଉପରାଷ୍ଟ୍ରପତି ଭେଙ୍କେୟା ନାଇଡୁ । 2 ଦିନିଆ ଓଡ଼ିଶା ଗସ୍ତରେ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ ଉପରାଷ୍ଟ୍ରପତି ।
ଭାରତୀୟ ବାୟୁ ସେନାର ସ୍ୱତନ୍ତ୍ର ବିମାନ ଯୋଗେ 2 ତାରିଖ ପୂର୍ବାହ୍ନ 9.45 ରେ ହାଇଦ୍ରାବାଦରୁ ବାହାରି 11.15ରେ ଭୁବନେଶ୍ୱରରେ ପହଞ୍ଚିବେ । ଏୟାରପୋର୍ଟରୁ ବାହାରି ରାଜଭବନରେ ମଧ୍ୟାହ୍ନ ଭୋଜନ ପରେ ଅପରାହ୍ନ 4.45 ରେ କଟକ ସାରଳା ଭବନ ଯିବେ ଉପରାଷ୍ଟ୍ରପତି ।
ସେଠାରେ ଆଦିକବି ସାରଳା ଦାସଙ୍କ 600ତମ ଜନ୍ମ ଉତ୍ସବ ତଥା ସାରଳା ସାହିତ୍ୟ ସଂସଦର 40ତମ ପ୍ରତିଷ୍ଠା ଦିବସର ମୁଖ୍ୟ ଅତିଥି ଭାବେ ଯୋଗଦେବେ । ସେଠାରୁ ଫେରି ରାତ୍ରି ଭୋଜନ ସହ ରାଜଭବନରେ ରାତ୍ରୀ ଯାପନ କରିବେ । ପରଦିନ ପୂର୍ବାହ୍ନ ପ୍ରାୟ 10 ଟାରେ ଉତ୍କଳ ବିଶ୍ଵବିଦ୍ୟାଳୟର ସମାବର୍ତ୍ତନ ଉତ୍ସବରେ ଯୋଗଦେବେ । କାର୍ଯ୍ୟକ୍ରମ ସାରି ସନ୍ଧ୍ୟା 5 ଟାରେ ଦିଲ୍ଲୀ ଫେରିଯିବେ ଉପ ରାଷ୍ଟ୍ରପତି । ସେପଟେ ଉପ ରାଷ୍ଟ୍ରପତିଙ୍କ ଗସ୍ତ ଲାଗି ସୁରକ୍ଷା ବ୍ୟବସ୍ଥା କଡାକଡି କରିବାକୁ ପ୍ରସ୍ତୁତି ଆରମ୍ଭ କରିଦେଇଛି କମିଶନରେଟ ପୋଲିସ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
