ଭୁବନେଶ୍ବର: ଭାରତରେ ତୄତୀୟ ଲହର ଆସିପାରେ କିନ୍ତୁ ତାହା ପ୍ରଭାବୀ ହେବନାହିଁ। ସଂକ୍ରମଣ କମ ରହିବ ଏବଂ ଓଡ଼ିଶାରେ ତାର ପ୍ରଭାବ ଆହୁରି କମ ରହିବ ବୋଲି ସୂଚନା ଦେଲେ DMET ସିବିକେ ମହାନ୍ତି । ଲୋକମାନେ ସଚେତନ ରହିବା, ଟୀକାକରଣ ଅଧିକ ହେବା, ମୁକାବିଲା ପାଇଁ ଆପଣା ଯାଉଥିବା ପଦ୍ଧତି କାରଣରୁ ତୄତୀୟ ଲହର ଆସିଲେ ବି ସଂକ୍ରମଣର ପ୍ରଭାବ କମ ରହିବ ବୋଲି ସେ କହିଛନ୍ତି ।
ତେବେ କେରଳ, ମହାରାଷ୍ଟ୍ରରେ କୋରୋନା ମାମଲା ବଢିବା ତୄତୀୟ ଲହରର ସଙ୍କେତ । ତେଣୁ ଏଇଠି ଯଦି ଆମେ ଏହାକୁ ନ ଅଟକାଇବା ତେଵେ ତୄତୀୟ ଲହରର ସମ୍ମୁଖୀନ ହେବା। ଏହା ସହ ସେ ଆହୁରି ମଧ୍ୟ କହିଛନ୍ତି ଯେ, ଏହା ଡେଲ୍ଟାପ୍ଲସ ନୁହେଁ, ଡେଲଟା ଭାଇରସ । ଯାହା ୧୨୦ ଦେଶରେ ବ୍ୟାପିଛି । ଆଇଆଇଟି କାନପୁର ଏବଂ ଆଇଆଇଟି ହାଇଦ୍ରାବାଦ କହିଛନ୍ତି ଯେ, ଯଦି ବି ତୄତୀୟ ଲହର ଆସେ, ଓଡ଼ିଶାରେ ତାହାର ବିଶେଷ ପ୍ରଭାବ ରହିବନି। ‘ଆମେମାନେ ଯେତିକି ପ୍ରିଭେନ୍ସନ ନେଉଛୁ, ଯେପରି ଟୀକାକାରଣ ଓ ଲୋକମାନଙ୍କୁ ସଚେତନ କରିବା, ଏଥିପାଇଁ ତୃତୀୟ ଲହର ନ ହୋଇପାରେ ବୋଲି ସେ କହିଛନ୍ତି’ ।
ବିଶେଷଜ୍ଞମାନଙ୍କ ମତାନୁସାରେ, କୋରୋନାର ତୃତୀୟ ଲହରରେ ଛୋଟ ପିଲାମାନେ ବିଶେଷଭାବରେ ସଂକ୍ରମିତ ହେବେ । ତେଣୁ ଏଥିପାଇଁ ବେଡ଼ ସଂଖ୍ୟା ବଢ଼ାଇବା ସହ ICU ସଂଖ୍ୟା ବଢ଼ାଯାଇଛି। ଆବଶ୍ୟକ ପଡିଲେ ଆଗକୁ ମଧ୍ୟ ଆହୁରି ବଢ଼ାଯିବ । ତେବେ ତୃତୀୟ ଲହର ପାଇଁ ସମସ୍ତେ ଆଗରୁ ସଚେତନ ରହିବା ଆବଶ୍ୟକ ରହିଛି ବୋଲି କହିଛନ୍ତି DMET ସିବିକେ ମହାନ୍ତି।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
