ଭୁବନେଶ୍ବର: ରିସର୍ଚ୍ଚ ଅନୁସାରେ ସେକେଣ୍ଡ ଡୋଜ 3 ମାସ ଯାଏଁ ବିଳମ୍ବ ହେଲେ କୌଣସି ଅସୁବିଧା ନାହିଁ । ଯଦି 60ରୁ କମ ବୟସ ହୋଇଥିବ ସେକେଣ୍ଡ ଡୋଜ ବିଳମ୍ବ ହେଲେ ମୃତ୍ୟୁ ହାର 20 ପ୍ରତିଶତ କମି ଆସୁଛି ବୋଲି କହିଛନ୍ତି ସ୍ବାସ୍ଥ୍ୟ ବିଶେଷଜ୍ଞ ।
ଆଗକୁ ଯଦି କେନ୍ଦ୍ର ସରକାର ଉତ୍ତର ଦିଅନ୍ତି ତେବେ ଆମେ ସେ ଦିଗରେ ପଦକ୍ଷପ ନେବୁ ବୋଲି କହିଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର। ଆମ ରାଜ୍ୟରେ ପଜିଟିଭ ହାର ଧୀରେ ଧୀରେ ସୁଧାର ଆସୁଛି । ଆମେ ଏବେ ଆଶାବାଦୀ ହେବା ଯେ, ରାଜ୍ୟ ଭଲ ସ୍ଥିତିକୁ ଆସୁଛି । ଜୁନ ଶେଷ ବେଳକୁ ସ୍ଥିତିରେ ସୁଧାର ଆସିବ । ମାତ୍ର ମୃତ୍ୟୁ ସଂଖ୍ୟା କମିବା ପାଇଁ ଆଉ କିଛି ଦିନ ସମୟ ଲାଗିବ । କାରଣ ଏବେବି ଅନେକ ଲୋକ ଆଇସିୟୁ ଓ ଭେଣ୍ଟିଲେଟରରେ ରହିଛନ୍ତି । ଲୋକମାନେ ସଚେତନ ହେଉନଥିବାରୁ ଆମକୁ ବାଧ୍ୟ ହୋଇ ଲକଡାଉନ ଅବଧି ବୃଦ୍ଧି କରିବାକୁ ପଡୁଛି । ତେବେ ଏହାରି ଭିତରେ ଲକଡାଉନର ପ୍ରଭାବ ଦେଖିବାକୁ ମିଳୁଛି ସେ କହିଛନ୍ତି।
ଆଜି ଦ୍ୱିତୀୟ ଲହର ପିକ ପରେ ସବୁଠୁ କମ 11.2 ରହିଛି ପଜିଟିଭ ରେଟ । ଲକଡାଉନ ସରିବା ବେଳକୁ ଏହା 5 ପ୍ରତିଶତ ତଳକୁ ଖସି ଆସିବ । 5 ପ୍ରତିଶତ ତଳକୁ ଖସି ଆସିଲେ ସରକାର କଟକଣାରେ କୋହଳ କରିପାରିବେ । ଯେଉଁ କିଛି ଜିଲ୍ଲାରେ କିଛି ଅଧିକ ପଜିଟିଭ କେସ ରହିବ ସେଠାରେ ସରକାର କଟକଣା କରିପାରନ୍ତି । ଲୋକମାନେ ନିୟମ ଅନୁପାଳନ କରିବା ଜରୁରୀ । ସେକେଣ୍ଡ ଡୋଜ 3 ମାସ ଯାଏଁ ବିଳମ୍ବ ହେଲେ କୌଣସି ଅସୁବିଧା ନାହିଁ ରିସର୍ଚ୍ଚ ଅନୁସାରେ।
ଏପରିକି ତୃତୀୟ ଲହର ପାଇଁ ରାଜ୍ୟ ସରକାର କମିଟି ଗଠନ କରିଛନ୍ତି । ଅନେକ ପଦକ୍ଷପ ନେଉଛନ୍ତି । ଦ୍ୱିତୀୟ ଲହରରେ ଯେଉଁ ସମସ୍ୟା ହେଲା ତାହା ତୃତୀୟ ଲହରରେ ହେବନାହିଁ । କିନ୍ତୁ ତୃତୀୟ ଲହର ବଡଧରଣର ଆସିବ ନାହିଁ। ରିପୋର୍ଟ କହୁଛି 2 କୋଟି ସଂକ୍ରମିତ ହେବେ କିନ୍ତୁ ମୃତ୍ୟୁ ସଂଖ୍ୟା 40 ହଜାର ରହିବ ବୋଲି ସ୍ବାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର କହିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
