ଭୁବନେଶ୍ବର: କୋରୋନାକୁ ନେଇ ଓଡ଼ିଶା ସରକାର 48 ଘଣ୍ଟିଆ ସଟଡାଉନ ଘୋଷଣା କରିଥିଲେ ସୁଦ୍ଧା ଏହି ନିୟମକୁ ମାନି ନ ଥିଲେ କିଛି ଯୁବପିଢି । ଫଳରେ ସେମାନଙ୍କୁ ପୋଲିସ ଆଣି କ୍ବାରେଣ୍ଟାଇନରେ ରଖିଥିଲା । ତଥାପି ସେମାନେ ସେଠାରେ ପାଟିତୁଣ୍ଡ କରି ବିଶୃଙ୍ଖଳା ସୃଷ୍ଟି କରୁଥିବା ଦେଖିବାକୁ ମିଳିଛି ।
କ୍ବାରେଣ୍ଟାଇନରେ ଥିବା ବେଳେ ଏକାଠି ହୋହାହ୍ଲା ଭିଡିଓ ହେଲା ଭାଇରାଲ
ସାରା ବିଶ୍ବରେ କୋରୋନାକୁ ନେଇ ଭୟର ବାତାବରଣ ସୃଷ୍ଟି ହେଉଥିବା ବେଳେ ଏଠାରେ କିନ୍ତୁ କିଛି ଲୋକ ନିୟମକୁ ଉଲଘଂନ କରୁଛନ୍ତି । ସମସ୍ତଙ୍କୁ ଘରେ ରହିବା ପାଇଁ ବାରମ୍ବାର ସଚେତନ କରାଯାଉଥିବା ବେଳେ କିଛି ଲୋକ ଏହାକୁ ଫୁ କରି ଉଡେଇଦେଇଛନ୍ତି । ତେବେ ନିୟମ ଉଲଘଂନକାରୀଙ୍କୁ 14 ଦିନିଆ ଓୟୁଏଟିରେ ଏକ ହଷ୍ଟେଲରେ କ୍ବାରେଣ୍ଟାଇନରେ ରଖାଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
