ଭୁବନେଶ୍ବର: ରାଜ୍ୟ ରାଜକୋଷକୁ ଭୁଆଁ ବୁଲାଇ କଳାବଜାରୀ ହେଉଛି ରାଜ୍ୟର ଖଣିଜ ସମ୍ପଦ । ମାଲାମାଲ ହେଉଛନ୍ତି ତସ୍କର କିନ୍ତୁ ରାଜକୋଷକୁ ଫୁଟି କଉଡି ବି ଯାଉନି । ଯାହାର ଜ୍ବଳନ୍ତ ଉଦାହରଣ ସାମ୍ନାକୁ ଆସିଛି । ଏସଟିଏଫ ହାତରରେ ଜବତ ହୋଇଛି ଟ୍ରକ ଟ୍ରକ ଖଣିଜ ସମ୍ପଦ । ଢେଙ୍କାନାଳରୁ ଏପରି କଳାବଜାରୀ ବେଳେ ଏସଟିଏଫ ଚଢାଉ କରି ଜବତ କରିଛି ୨୩୦ ଟନ ହାର୍ଡ କୋକ, ୫ଟନ ଫେରୋକ୍ରମ, ୩ଟନ ଆଇରନ ପେଲେଟ, ୪୫ ଟନ ଷ୍ଟିମ କୋକ, ୭ ଟନ ଆଇରନ ରଡ ରହିଥିବା ଜଣାପଡିଛି ।
୪ଟି ୧୪ ଚକିଆ ଟ୍ରକ ସମେତ ୨ଟି ଜେସିବି, ୧୦ ଚକିଆ ହାଇୱା ଗୋଟିଏ ଏପରି କଳାବଜାରୀ ବେଳେ ଗାଡିକୁ ସିଜ କରିବା ସହ କାରବାରରେ ସମ୍ପୃକ୍ତ ଥିବା ୫ଜଣଙ୍କୁ ଗିରଫ କରିଛି ଏସଟିଏଫ ଟିମ । ତେବେ ଏହି ବର୍ଷ ୨୬୨ ଟନ ହାର୍ଡ କୋକ, ୨୧୬ ମେଟ୍ରିକ ଟନ ଫରୋକ୍ରୋମ, ୧୫୦ ଟନ କୋଇଲା, ୨୩ଟି ଭାରିଯାନ ଯେପରିକି ଟ୍ରକ ହାଇୱା ଭଳି ଗାଡିକୁ ଜବତ କଲାଣି ଏସଟିଏଫ ଟିମ । ଏଥିରୁ କେତେ ପରିମାଣରେ ଖଣିଜ ସମ୍ପଦ କଳାବଜାରୀ ହେଉଛି ଓ ରାଜ୍ୟ ରାଜକୋଷରୁ କେତେ ସହୁଛି ତାହା ସ୍ପଷ୍ଟ ।
ଭୁବନେଶ୍ବରରୁ ତାପସ ପରିଡା , ଇଟିଭି ଭାରତ
