ଭୁବନେଶ୍ବର: ପୂରଣ ହେବ ଭୁବନେଶ୍ବର ବାସୀଙ୍କ ବହୁତ ଦିନର ଦୁଃଖ। ଅଯଥାରେ ଦୁର୍ଘଟଣା ଘଟି ଯିବ ନାହିଁ ଜୀବନ। କାରଣ ଖୁବ ଶୀଘ୍ର ନିର୍ମାଣ ହେବାକୁ ଯାଉଛି ହଂସପାଳ ଠାରେ ଫ୍ଲାଇ ଓଭର ବ୍ରିଜ। ଯାହାର ଆଜି ଭୂମି ପୂଜନ ଓ ଭିତ୍ତି ପ୍ରସ୍ତର ସ୍ଥାପନ କରିଛନ୍ତି ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ।
24 କୋଟି ଟଙ୍କା ବ୍ୟୟ ଅଟକଳରେ ନିର୍ମିତ ହେବାକୁ ଯାଉଥିବା ଏହି ବ୍ରିଜର କାର୍ଯ୍ୟ ଆଜି ଠାରୁ ଆରମ୍ଭ ହୋଇଥିବା କହିଛନ୍ତି ସାଂସଦ ଅପରାଜିତା ଷଡ଼ଙ୍ଗୀ । ଏହା ସହିତ ନିର୍ଦ୍ଧିଷ୍ଟ ସମୟ ସୀମା ମଧ୍ୟରେ ଆର୍ଥତ୍ 18 ମାସ ମଧ୍ୟରେ ବ୍ରିଜ କାର୍ଯ୍ୟ ଶେଷ କରିବାର ଲକ୍ଷ୍ୟ ରଖାଯାଇଛି। ଏହାର ଟେଣ୍ଡର କାର୍ଯ୍ୟ ସରିଥିବାବେଳେ NHAI ର ତତ୍ବାବଧାନରେ କେନ୍ଦ୍ରୀୟ ସ୍ଥଳପଥ ମନ୍ତ୍ରଣାଳୟର ଅନୁମୋଦନର ଆର୍ଥିକ ସହାୟତାରେ ଏହାର କାର୍ଯ୍ୟ ଆରମ୍ଭ ହୋଇଛି।
ଆଜିର ଏହି ଶୁଭ ଅବସରରେ NHAIର କର୍ମକର୍ତ୍ତା ଓ ସ୍ଥାନୀୟ ଅଞ୍ଚଳର ବାସିନ୍ଦାଙ୍କ ସହ ସାଂସଦ ଅପରାଜିତା ଷଢଙ୍ଗୀ ଯୋଗଦେଇ ଏହି କାର୍ଯ୍ୟର ଶୀଘ୍ର ସମାପନ ନେଇ ଆଶାପୋଷଣ କରିଛନ୍ତି।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
