ଭୁବନେଶ୍ବର: ବିଏମସିର ସ୍ୱାୟତ୍ତ ଶାସନ ଦିବସକୁ କଳା ଦିବସ ଭାବେ ପାଳନ କରିଛି ବିଜେପି । ଭୁବନେଶ୍ବର ଜିଲ୍ଳା ବିଜେପି ପକ୍ଷରୁ ଆଜି (ମଙ୍ଗଳବାର) ବିଏମସି କାର୍ଯ୍ୟାଳୟ ଆଗରେ ମୁହଁରେ କଳା ପଟି ବାନ୍ଧି ବିକ୍ଷୋଭ ପ୍ରଦର୍ଶନ କରିଛନ୍ତି । ତେବେ ଦୀର୍ଘ 3 ବର୍ଷ ମ୍ୟୁନିସିପାଲଟିରେ ନିର୍ବାଚନ ହେଉ ନଥିବାରୁ ବିଏମସି ରାଜଧାନୀବାସୀଙ୍କୁ ମୌଳିକ ସୁବିଧା ଦେବାରେ ବିଫଳ ହୋଇଥିବା ନେଇ କହିଛନ୍ତି ବିଜେପି ଜିଲ୍ଲା ସଭାପତି ।
ସେପଟେ ରାସ୍ତା, ଡ୍ରେନ୍ ଓ ସ୍ୱରେଜ କାମ ବି ଆଗେଇ ପାରିନି । ସହରାଞ୍ଚଳ ସଫେଇରେ ଅବହେଳା ଯୋଗୁଁ ଡେଙ୍ଗୁ ଭଳି ରୋଗ ରାଜଧାନୀରେ ବ୍ୟାପିବାରେ ଲାଗିଛି । କିନ୍ତୁ ଖାଲି ବର୍ଦ୍ଧିତ ଟିକସ ଆଦାୟ କରିବାରେ ବ୍ୟସ୍ତ ରହୁଛି ବିଏମସି । ରାଜଧାନୀରେ ଭଲ ହାଟ ଟିଏ ବି ନାହିଁ । ବସ୍ତି ବାସିନ୍ଦାଙ୍କୁ ବାସଗୃହ ଓ ସ୍ଥାୟୀ ଜମିପଟ୍ଟା ପ୍ରତିଶ୍ରୁତି ମିଛ ସାବ୍ୟସ୍ତ ହୋଇଛି । ତେଣୁ ଏସବୁ ଅବ୍ୟବସ୍ଥାକୁ ନେଇ ମଙ୍ଗଳବାର ବିଜେପି ପକ୍ଷରୁ କଳା ଦିବସ ପାଳନ କରୁଥିବା କହିଛନ୍ତି ଭୁବନେଶ୍ବର ଜିଲ୍ଳା ବିଜେପି ସଭାପତି ବାବୁ ସିଂ ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
