ଭୁବନେଶ୍ୱର: ବିଜୁପଟ୍ଟନାୟକ ବିମାନବନ୍ଦରରେ ଟେଲି ଅଭିନେତ୍ରୀଙ୍କୁ ଦୁର୍ବ୍ୟବହାର ଅଭିଯୋଗ । ସର୍ବସାଧାରଣରେ ଓଲା ଡ୍ରାଇଭର ଗାଳିଗୁଲଜ କରି ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି । ଗାଡି ବୁକିଂ ପରେ ଲଗେଜ ଉଠାଇବାକୁ ନେଇ ଦୁର୍ବ୍ୟବହାର ହୋଇଥିବା ସୂଚନା ।
୧୫ମିନିଟ ଧରି ଲୋକଙ୍କ ସାମ୍ନାରେ ଗାଳିଗୁଲଜ କରିଥିବା ନେଇ ଟେଲି ଅଭିନେତ୍ରୀ ଅଭିଯୋଗ କରିଛନ୍ତି । ଅଭିନେତ୍ରୀଙ୍କୁ କାରରେ ନୁହେଁ ସାଇକେଲରେ ଯିବାକୁ ଓଲା ଡ୍ରାଇଭର କହିଥିବା ସେ କହିଛନ୍ତି । ଏନେଇ ଦେଖାଦେଇଛି ଉତ୍ତେଜନା । ପରେ ଗଣମାଧ୍ୟମର ହସ୍ତକ୍ଷେପ ପରେ ସ୍ଥିତି ସ୍ବଭାବିକ ହୋଇଛି ।
ସୂଚନା ମୁତାବକ, ନଳୀନି ରାଉତ ନାମକ ଜଣେ ଟେଲି ଅଭିନେତ୍ରୀ ଏୟାରପୋର୍ଟରୁ ଯିବା ପାଇଁ ଓଲା ବୁକ୍ କରିଥିଲେ । ଓଲା ଗାଡି ପହଞ୍ଚିବା ପରେ ଡ୍ରାଇଭରକୁ ଲଗେଜ ଡିକିରେ ରଖିବାକୁ ସାହାଯ୍ୟ ମାଗିଥିଲେ । ହେଲେ ଏହାକୁ ନେଇ ତାତି ଯାଇଥିଲେ ଓଲା ଡ୍ରାଇଭର । ଡ୍ରାଇଭରର ବ୍ୟବହାର ଦେଖି ବାଟରେ କିଛି ଅସୁବିଧା ଅନୁଭବ କରି ବୁକିଂ କ୍ୟାନ୍ସଲ ପାଇଁ କହିବାରୁ ଓଲା ଡ୍ରାଇଭର ଗାଳିଗୁଲଜ କରିବା ଆରମ୍ଭ କରିଥିବା ସେ ଅଭିଯୋଗ କରିଛନ୍ତି ।
ଏପରିକି ଗାଡିରେ ଯିବାର କ୍ଷମତା ନାହିଁ ଯଦି ସାଇକେଲରେ ଯିବାକୁ କହିଥିବା ଅଭିନେତ୍ରୀ ଜଣଙ୍କ କହିଛନ୍ତି । ସେପଟେ ଡ୍ରାଇଭର କହିଛନ୍ତି ବୁକିଂ କ୍ୟାନ୍ସଲ ଧମକ ଦେଇଥିଲେ । ଏଥିସହ ପ୍ରଥମେ ଗାଳି କରିଥିବା ଡ୍ରାଇଭର ପାଲଟା ଅଭିଯୋଗ ଆଣିଛନ୍ତି ।
ଇଟିଭି ଭାରତ, ଭୁବନେଶ୍ବର
