ଭୁବନେଶ୍ବର: ବିଧାନସଭା ଆଡକୁ ପୁଣି ଧସେଇ ପସିବାକୁ ଉଦ୍ୟମ । ଜଗତସିଂହପୁରର ଜଣେ ମା ଓ ତାଙ୍କ ପୁଅଙ୍କ ଆତ୍ମାହୁତି ଉଦ୍ୟମ ବେଳେ କାବୁ କଲା ପୋଲିସ ।
ସୁଲୋଚନା ଦାସ
ଜଗତସିଂହପୁର କୁଜଙ୍ଗ ଅଞ୍ଚଳର ସୁଲୋଚନା ଦାସ ଓ ତାଙ୍କ ପୁଅ ସୁବ୍ରତ ଦାସ ହାତରେ କିରୋସିନ ବଟଲ ଧରି ବିଧାନସଭା ଆଗରେ ଆତ୍ମହତ୍ୟା ଉଦ୍ୟମ କରୁଥିବାବେଳେ ପୋଲିସ ସେମାନଙ୍କୁ କାବୁ କରିଛି । ଏହାପରେ ଦୁହିଁଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । ନିଜ ପୁଅ ମୃତ୍ୟୁର ତଦନ୍ତ ଦାବିରେ ସୁଲୋଚନା ଏଭଳି ଉଦ୍ୟମ କରିଥିବା କୁହାଯାଉଛି ।
ତେବେ ଏହି ଘଟଣା ପରେ ପୋଲିସ କଠୋର ହୋଇଛି । ବିଧାନସଭା ଚାଲୁ ଥିବାରୁ ଏଭଳି ଉଦ୍ୟମ ଆଇନକୁ ହାତକୁ ନେବା ସଦୃଶ। ଏପରି କରୁଥିବା ଲୋକଙ୍କ ଉପରେ ନଜର ରଖାଯାଇଥିବାବେଳେ ଆବଶ୍ୟକ ପଡିଲେ ବିଧାନସଭା ସମ୍ମୁଖରେ ଗାଡିମୋଟର ଯିବାଆସିବାରେ ପରିବର୍ତ୍ତନ ହୋଇପାରେ ବୋଲି କୁହାଯାଉଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
