ଭୁବନେଶ୍ବର: ବିଜେବି କଲେଜରେ ଛାତ୍ର ଅଶାନ୍ତି । କମେଣ୍ଟ ମରାକୁ କେନ୍ଦ୍ର କରି ଭୁବନଶ୍ବରର ବିଜେବି କଲେଜରେ ଗୋଷ୍ଠୀ ସଂଘର୍ଷ । କଲେଜ ପରିସରରେ ଥିବା ଆମ୍ବେଦକର ଓ ଖାରବେଳ ହଷ୍ଟେଲ ଛାତ୍ରମାନଙ୍କ ମଧ୍ୟରେ କମେଣ୍ଟ ମରାକୁ ନେଇ ଗୋଷ୍ଠୀ ସଂଘର୍ଷ ହୋଇଛି ।
BJB କଲେଜରେ ଛାତ୍ର ଅଶାନ୍ତି, କମେଣ୍ଟ ମରାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ
ଏଥିରେ ପାଖାପାଖି ୨୦ ଜଣ ଆହତ ହୋଇଥିବା ବେଳେ ବଡଗଡ଼ ଥାନାରେ ୩୦ ଜଣଙ୍କୁ ପୋଲିସ ଅଟକ ରଖିଛି । ତେବେ କମେଣ୍ଟ ମରାକୁ କେନ୍ଦ୍ର କରି କଲେଜରେ ଗଣ୍ଡୋଗୋଳ ହୋଇଥିବା ଜଣାପଡିଛି ।
ପ୍ରକାଶ ଯେ, ଗତକାଲି (ବୁଧବାର) ବାଣୀବିହାର ସ୍ଥିତ ଉତ୍କଳ ବିଶ୍ବବିଦ୍ୟାଳୟରେ ମଧ୍ୟ ଛାତ୍ର ଆକ୍ରମଣ ଘଟଣା ସାମ୍ନାକୁ ଆସିଥିଲା । ବିଶ୍ବବିଦ୍ୟାଳୟ ପରିସରରେ ମୂର୍ତ୍ତି ସ୍ଥାନାନ୍ତର କରିବାକୁ ନେଇ ଜଣେ ଛାତ୍ରଙ୍କୁ ଅନ୍ୟ ଜଣେ ଆକ୍ରମଣ କରିଥିଲେ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
