ଭୁବନେଶ୍ବର : ପରିବା ମାର୍କେଟରୁ କୋଟିଏ ଟଙ୍କାର ବ୍ରାଉନସୁଗାର ଜବତ ସହ ୨ ଜଣଙ୍କୁ ଗିରଫ କଲା STF ଟିମ୍ । ଓଡିଶାରୁ ବିହାର ଚାଲାଣ ପାଇଁ ବାଲେଶ୍ବରର ଏକ ପରିବା ମାର୍କେଟରେ ଡିଲ ଚାଲିଥିବା ବେଳେ STF ଟିମ୍ ଚଢାଉ କରି ୧ କେଜି ୫୨ ଗ୍ରାମର ବ୍ରାଉନସୁଗାର ଜବତ କରିଛି । ଗିରଫ ଅଭିଯୁକ୍ତ ହେଉଛନ୍ତି ବିହାର ପାଟନାର ବିଜୟ ଯାଦବ ଓ ବାଲେଶ୍ବର ସହଦେବଖୁଣ୍ଟାର ଅଶୋକ ବେହେରା ବୋଲି ଜଣାପଡିଛି ।
ମିଳିଥିବା ସୂଚନା ଅନୁଯାୟୀ ବାଲେଶ୍ବର ସହଦେବଖୁଣ୍ଟା ନୟାବଜାର ମାର୍କେଟରେ ଏହି ୨ ବେପାରୀଙ୍କ ମଧ୍ୟରେ ଆଜି ବ୍ରାଉନସୁଗାର ଡିଲ ଚାଲିଥିଲା । ଏହି ସମୟରେ ଏସଟିଏଫ ଟିମ୍ ଖବର ପାଇ ଚଢାଉ କରି ୧କୋଟିରୁ ଉର୍ଦ୍ଧ୍ବ ଟଙ୍କାର ବ୍ରାଉନସୁଗାର ଜବତ କରି ୨ ଜଣଙ୍କୁ ଗିରଫ କରିଥିଲା । ତେବେ ଚଢାଉ ସମୟରେ ବ୍ରାଉନସୁଗାର ଓଡିଶାରୁ ବିହାର ଚାଲାଣ ପାଇଁ ଡିଲ ଚାଲିଥିବା ଜଣାପଡିଛି । ଏନେଇ ଚାଲାଣ ଚେନ ଭାଙ୍ଗିବାକୁ ପ୍ରୟାସ କରାଯିବ ବୋଲି ଏସଟିଏଫ ଏସପି ତେଜରାଜ ପଟେଲ ସୂଚନା ଦେଇଛନ୍ତି । ତେବେ ୨୦୨୦ରୁ ଏଯାବତ ୪୩କେଜି ବ୍ରାଉନସୁଗାର ସହ ୮୬କ୍ବିଣ୍ଟାଲ ର ଗଞ୍ଜେଇ ଓ ୧୦୦ରୁ ଉର୍ଦ୍ଧ୍ବ ପେଡଲରଙ୍କୁ ଗିରଫ କରାଯାଇଥିବା ସୁଚନା ଦେଇଛିନ୍ତି ଏସଟିଏଫ ଏସପି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
