ଭୁବନେଶ୍ବର: ଗିରଫ ହେଲା କୁଖ୍ୟାତ ଖଣି ମାଫିଆ ପ୍ରଦୀପ ବେହେରା । ଖୋର୍ଦ୍ଧା ସଦରର ଦଳେଇପୁଟରୁ ତାକୁ ଗିରଫ କରିଛି ଏସଟିଏଫ ଟିମ । ତା ନାଁରେ ଅନେକ ବେଆଇନ ଖଣି ଖାଦାନର ଅଭିଯୋଗ ରହିଥିବା ଜଣାପଡିଛି । ତେବେ ଏଥିରେ ପ୍ରଦୀପର ଅନେକ ପଲିଟିକାଲ ଲିଙ୍କ ଥିବା ଜଣାପଡିଛି ।
ଗତକାଲି ନଳିଆ କାହାଳସିଂ ନାମକ ଆଉ ଜଣେ ମାଫିଆ ଗିରଫ ହେବା ପରେ ଆଜି ପ୍ରଦୀପଙ୍କୁ ଗିରଫ କରିଛି ଏସଟିଏଫ ଟିମ । ତେବେ ସବଠୁ ବଡ କଥା ହେଲା, ପ୍ରଦୀପର କିଛି ପଲଟିକାଲ ଲୋକଙ୍କ ସହ ସମ୍ପର୍କଥିବା ଜାଣିବାକୁ ପାଇଛି ଏସଟିଏଫ ।
ଏପରିକି ଅନେକ ପଲଟିକାଲ ଲିଡର ମଧ୍ୟ ପ୍ରଦୀପଠାରୁ ବହୁ ଫାଇଦା ନେଉଥିବା ଜଣାପଡିଛି । ଏହାର ସୁଯୋଗ ନେଇ ଏମାନଙ୍କ ଛତ୍ରଛାୟା ତଳେ ପ୍ରଦୀପ ନିଜର କଳା ସାମ୍ରାଜ୍ୟ ବିସ୍ତାର କରିଥିବା ଅନୁମାନ କରାଯାଉଛି । ତେବେ ପ୍ରଦୀପ ଗିରଫଦାରୀ ପରେ ଏସବୁ ଉପରୁ ପରଦା ହଟିବ ବୋଲି ଜଣାପଡିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
