ଭୁବନେଶ୍ବର: ରାଜଧାନୀରେ ଚାଲିଛି ଚୋରା ବଜ୍ରକାପ୍ତା ଚାଲାଣ । କଳିଙ୍ଗ ଷ୍ଟୁଡିଓ ଛକରେ ଡିଲ ବେଳେ ମାଡିବସିଲା STF ଟିମ । ଘଟଣାରେ ୨ ଜଣ ଚୋରା ଚାଲାଣକାରୀଙ୍କୁ ଟିମ ଗିରଫ କରିଥିବା ସୂଚନା ମିଳିଛି ।
ଏକ ପେଟି ଭିତରେ ବଜ୍ରକାପ୍ତା ଆଣି ଡିଲ ବେଳେ ସୂଚନା ପାଇଥିଲେ ଟିମ । ଏନେଇ ଚଢାଉ ବେଳେ ୨ ଜଣ ଅପରାଧୀ ଚିତ୍ରସେନ ସାହୁ ଓ ଖଗେଶ୍ବର ସାହୁଙ୍କୁ କାବୁ କରିଥିଲା ଏସଟିଏଫ ଟିମ । ଚଢାଉ ସମୟରେ ଗୋଟିଏ ବଜ଼୍ରକାପ୍ତାକୁ ଜବତ କରିଛି ପୋଲିସ । ତେବେ ଏଯାବତ STF ଟିମ ଅପରେସନ କରି ୧୫ଟି ବାଘଛାଲ ସହ ୯ଟି ହାତୀ ଦାନ୍ତ, ୪ଟି ବଜ୍ରକାପ୍ତା ଓ ହରିଣ ଛାଲ ଜବତ କରିଛି ।
ଚଢାଉ କରି ଜବତ କରିବା ପରେ ବଜ୍ରକାପ୍ତାକୁ ଚନ୍ଦକା ଡିଏଫଓଙ୍କୁ ହସ୍ତାନ୍ତର କରିଛି ଟିମ । ରାଜ୍ୟରେ ଏଭଳି ବଜ୍ରକାପ୍ତା ଚୋରା ଚାଲାଣ ଘଟଣା ସାମନାକୁ ଆସୁଛି । ଏହି ଚୋରା ଚାଲାଣ ହେଉଥିବା ବେଳେ ବିଶେଷ ସୂତ୍ରରୁ ଖବର ପାଇ ଚଢାଉ କରିଥିଲା ଟିମ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
