ଭୁବନେଶ୍ବର: ରାଜ୍ୟରେ ପଞ୍ଚମ ଥର ପାଇଁ ସରକାର ଆରମ୍ଭ କରିଥିବା ନବୀନ ପଟ୍ଟନାୟକଙ୍କ ପ୍ରଶାସନିକ ଟିମ ଗଠନ ପ୍ରକ୍ରିୟା ଏଯାଏଁ ଶେଷ ନାହିଁ । ଗତ ଦୁଇ ମାସ ଧରି ଚାଲିଛି ପ୍ରଶାସନିକ ଅଧିକାରୀଙ୍କ ସ୍ତରରେ ଅଦଳ ବଦଳ ।
କିଛିଦିନ ପରେ ପୁଣିଥରେ ଆଜି ରାଜ୍ୟ ସରକାର ଆଇଏଏସ ସ୍ତରରେ କରିଛନ୍ତି ବଡ ଧରଣର ଅଦଳ ବଦଳ । ଗୃହ ବିଭାଗ ସଚିବ ଥିବା ଅସିତ ତ୍ରୀପାଠି ମୁଖ୍ୟ ଶାସନ ସଚିବ ହେବା ପରେ ତାଙ୍କ ସ୍ଥାନରେ ସଞ୍ଜୀବ ଚୋପ୍ରାଙ୍କୁ ଅତିରିକ୍ତ ଦାୟିତ୍ବ ମିଳିଛି ।
- ମୋନା ଶର୍ମା- ଗ୍ରାମ୍ୟ ଉନ୍ନୟନ ଓ ଜଙ୍ଗଳ ପରିବେଶ ବିଭାଗ ଅତିରିକ୍ତ ଦାୟିତ୍ବ
- ଗଗନ ଧଳ - OFDC ଅଧ୍ୟକ୍ଷ
- ପ୍ରଦିପ୍ତ ମହାପାତ୍ର-କୃଷି ଉତ୍ପାଦ କମିଶନର
- ଆର ଏନ ପଲାଇ- ରାଜସ୍ବ ବିପର୍ଯ୍ୟୟ ପରିଚାଳନା ବିଭାଗର ସ୍ବତନ୍ତ୍ର ସଚିବ
- ସୁରେଶ ଚନ୍ଦ୍ର ମହାପାତ୍ର- ଉନ୍ନୟନ କମିଶନର ଏବଂ ଯୋଜନା ଓ ସଂଯୋଜନା ବିଭାଗ
- ସଞ୍ଜୀବ ଚୋପ୍ରା- ଶିଳ୍ପ ସହ ଗୃହ ବିଭାଗର ଅତିରିକ୍ତ ଦାୟିତ୍ବ
- ସୁଦର୍ଶନ ପାଲ ଠାକୁର- କେବିକେ ପ୍ରଶାସକ ସହ ସ୍କୁଲ ଗଣଶିକ୍ଷା ବିଭାଗ ଅତିରିକ୍ତ ଦାୟିତ୍ବ
- ମନୋଜ ମିଶ୍ର- ବାଣିଜ୍ୟ ପରିବହନ ବିଭାଗର ସ୍ବତନ୍ତ୍ର ସଚିବ ସହ E&IT ବିଭାଗର ଅତିରିକ୍ତ ଦାୟିତ୍ବ । ଫଟୋ ସୌଜନ୍ୟ:ସମ୍ବାଦଦାତା, ଭୁବନେଶ୍ବର
ତେବେ ଏହି ସମସ୍ତ ବଦଳି ଆସନ୍ତା 19 ତାରିଖ ଅର୍ଥାତ ସୋମବାରରୁ କାର୍ଯ୍ୟକାରୀ ହେବ ବୋଲି ସାଧାରଣ ପ୍ରଶାସନ ବିଭାଗ ସ୍ପଷ୍ଚ କରିଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
