ଭୁବନେଶ୍ବର: ରାଜ୍ୟରେ ବଢୁଛି କୋରୋନା ସଂକ୍ରମଣ । 28 ଟି ଜିଲ୍ଲାରେ 1384 ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ରାଜ୍ୟରେ 37 ହଜାର ପାର ହୋଇଛି ଆକ୍ରାନ୍ତଙ୍କ ସଂଖ୍ୟା। ଏହାସହ 9ଜଣଙ୍କ ମୃତ୍ୟୁ ହୋଇଛି । ହୋମ କ୍ବାରେଣ୍ଟାଇନ କେନ୍ଦ୍ରରୁ 889 ଚିହ୍ନଟ ହୋଇଥିବା ବେଳେ 495 ଜଣ ସ୍ଥାନୀୟ ସଂକ୍ରମଣ ରହିଛନ୍ତି । ଅନୁଗୋଳରୁ 14, ବାଲେଶ୍ବରରୁ 37, ବରଗଡରୁ 10, ଭଦ୍ରକରୁ 40, ବଲାଙ୍ଗୀରରୁ 5, ବୌଦ୍ଧରୁ 2, କଟକରୁ 121, ଢେଙ୍କାନାଳରୁ 51 ଓ ଗଜପତିରୁ 38ଜଣ ଚିହ୍ନଟ ହୋଇଛନ୍ତି ।
ସେହିପରି, ଗଞ୍ଜାମରୁ 288, ଜଗତସିଂହପୁରରୁ 20, ଯାଜପୁରରୁ 39, ଝାରସୁଗୁଡାରୁ 3, କଳାହାଣ୍ଡିରୁ 47, କନ୍ଧମାଳରୁ 62, କେନ୍ଦ୍ରାପଡାରୁ 12, କେନ୍ଦୁଝରରୁ 66, ଖୋର୍ଦ୍ଧାରୁ 201 ଓ କୋରାପୁଟରୁ 49 ନୂଆ ପଜିଟିଭ ଚିହ୍ନଟ ହୋଇଛନ୍ତି । ମାଲକାନଗିରିରୁ 34, ମୟୂରଭଞ୍ଜରୁ 28, ନବରଙ୍ଗପୁରରୁ 2, ନୟାଗଡରୁ 31, ନୂଆପଡାରୁ 3, ପୁରୀରୁ 34, ସମ୍ବଲପୁରରୁ 82, ସୋନପୁରରୁ ଜଣେ ଓ ସୁନ୍ଦରଗଡରୁ 64 ଜଣ ପଜିଟିଭ ବାହାରିଛନ୍ତି । ମୋଟ ଆକ୍ରାନ୍ତଙ୍କ ସଂଖ୍ୟା 37681 ରହିଥିବା ବେଳେ 23073 ଜଣ ସୁସ୍ଥ ହୋଇଛନ୍ତି । ଏହାସହ 14350ଟି ସକ୍ରିୟ ମାମଲା ରହିଛି ।
ଭୁବନେଶ୍ବରରୁ ବିକାଶ ଦାସ,ଇଟିଭି ଭାରତ
